Luke 3:7 - BII BILA

⁷ O kon mí Nsaŋ ɲuna vanaa sɛ́lɛ́ bɛndua va hunɔɔ le yinɔɔ sɔlaa ndu o ba-a aa: «Niaa hɔ̀ɔ̀lɔ́a ha! Nɛ̀ɛ́ cɔm yɛ niaa nɛiyo le kɔltuw Hala co hunɔɔ tosan-ndo kpakpalaa?

Luke 3:7 Referans Kwoze

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Esai 59:5

A co pelta hɔ̀ɔ̀lɔ́ɔ̀ tɛɛnduuo, vana de pɛ pelta ndalan, ndu sɔla piɔ́mndo, te vana pɛl pɛ pelte ndalen lepilɛ, hɔ̀ɔ̀lɔ́ɔ̀ fula lenin faŋ. A co yalala sontɛndɔɔ lɔu. Kolala nda co lɔu lan, o co le ɲɛ cuɛinan toosiaa le. A nɔla mà cuɛinun a vali nda co kon tosaa-o le. Dɛnnda ndalan, sandii lepɛŋnde caŋɛi la co ni, a co dɛnnda kɔlvesɛilan tosaa a bala ndalan.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Matie 3:6

má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.