Luke 24:46 - BII BILA

⁴⁶ Mó dimul nda aa: «Ɲɛ co o sɛvaa lenin-ndo co hoo ni aa: Krista co hunɔɔ sanga, mò tendul fulaa vanvílɛ́iya tɛɛn o paale yàándɔlen,

Luke 24:46 Referans Kwoze

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Luke 24:7

‹Mɛɛ mà mal Po vanacieo vanaa lahakia o ba, mà baŋ ndu o yɔm singafilaa coo, o paale yàándɔlen, o tendulnin fulaa vanvílɛ́iya tɛɛn.›»

Dɛnnda kiilaa 17:3

o va nda tɛɛsiallo a nda cɔmndo maa mɛɛ mì Krista ndóò sanga, mì ndóò tendu fulaa vanvílɛ́iya tɛɛn. Mó dimul nda vɛlɛ aa: «Yeesu ya co hoo niaa sɔɛi ndɔɛi dimullo-o, ndu co Krista ni.»

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Nsaŋ 20:9

Kani háá o telen kon, kaandennda ndáà bii-yɔ ɲɛ Sɛbɛla Diandaalan láà dimi-o bila maa Yeesu ndóò tendulnin mò fula vanvílɛ́iya tɛɛn te.