Luke 24:19 - BII BILA

¹⁹ Mí Yeesu ɲuna nda aa: «Dɛnnda yɛɛ nɛ lan?» Má mulul ndu aa: «Ɲɛ yɔŋnun Yeesu fula Nasarɛt-o pɛɛn, o yɔŋnun Vana-tɛɛngaa-diom Hala kpaayaa-o, o cɔm kon o dɛnnda o tosa lan nin a sɔɔn o va dimi-on nin Hala o hɔl a vannda kpow o hɔl.

Luke 24:19 Referans Kwoze

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Dɛnnda kiilaa 2:22

Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.

Nsaŋ 6:14

Vanaa kan cɔu dɛnɛ kaamaa Yeesu tosa kon-ndo, má dimi aa: «Vana-tɛɛngaa-diom Hala bɛnda le hunɔɔ o ceendo coo-o kpeekpei co hoo ni.»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Luke 7:16

Mí siòònde bii vannda kpow, má mel Hala balika, má dimi aa: «Vana-tɛɛngaa-diom Hala kaamaa hin o naa lo», má dimi vɛlɛ aa: «Hala hin vanaa ndɔa mala!»

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

Luke 24:18

Mí vana pilɛ o vanaa ŋiɔŋa kan tɛɛn, diolan Keleopas mulul ndu aa: «I ce maa o Yerusalɛmnda tɛɛn kpow, nɔm pilɛ kpé kɛɛ vɔ sina dɛnndan yɔŋnun o palɛi he bɛngu lan ni?»