Luke 23:34 - BII BILA

³⁴ Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

Luke 23:34 Referans Kwoze

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Rɔmnda 12:14

La dɔw vanaa co niaa yɛlen tollo-a duaa. La dɔw duaa, la mɛna vana le.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

Condii lisai 22:18

I nɔla mì cɔm paala nilan kpow. Vanaa kan co ya mɛɛndanndo tólóó-tólóó.

O Kandɔɔ 50:17

naa n ɲuna nɔm mì nɔm mal naa haki le kɔlvesɛi naa n tosal nɔm-ndo a haki naa n cua a nɔm-ndo. Lelan, n tɛɛlun nɔm yandi, mal niko vanaa baalaa Hala fuɲa nɔm-nda haki, naa pɛɛn.» Yosɛf tueyɔɔ sɔɛi ken, mó koŋul.

Esai 53:12

Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

Dɛnnda kiilaa 3:17

Nduyɛ, puapilɛa nia, i sínà maa niaa a simlacia niaa, la bii ɲɛ niaa tosa kon a ndu-o bila le.

1Korɛntea 4:12

N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Nsaŋ 19:11

Mí Yeesu muli aa: «A nɔ kpaaya kɛ́-kɛ̀ ya coo le, te o co mò kennun nɔm fulaa o halataala le. Lelan, vana mal-la nɔm o ba-o hiow tɛɛmbuu a nɔm.»

Marke 15:24

Má baŋ ndu o yɔm singafilaa coo, má mal siondei le volɔɔla ndɔla cuɛinanndan piɔvanndo, le sinaa la vana-vana sɔlanin-ndan.

Matie 11:26

A toɲa, Pua, i mel nɔm balika le tùú n cɛl mí i yɔŋnun lende-o.

Luke 22:42

«Pua, taa cɛl pɛ, i kòl o taala kólaa sangaa ho nin te. Kɛ o va bɛɛ lende, hɛnan ni tosan te, kɛ o nɔm ndo tosan.»

Nsaŋ 17:9

Le nda ya co nɔm piɛiyo ni. O co le ceendo le ya co piɛilen te, kɛ le vanaa n ke ya-a, kani le nɔm nda co ni.

Dɛnnda kiilaa 16:28

Kɛ mí Pol yonda aa: «Tosalan dɛnɛ vɔɔn te! N co nanu kpow.»