Luke 23:33 - BII BILA

³³ Ndáà tiiyaa o fonda nda veelu aa: Kpòkpòó-o, má baŋ Yeesu o yɔm singafilaa coo, má baŋ vɛlɛ vanaa yɔŋ vɔɔŋaa ŋiɔŋaa kan, o pilɛ ndu o ba kɛndɔɔ coo, o pilɔɔ ndu o ba mɛllo coo.

Luke 23:33 Referans Kwoze

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Nsaŋ 18:32

Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Tɔŋ miingua 21:23

vana vílɛ́i kon bɛnda mò lɔl o landaa o yɔmndo coo le. La bɛnda mì la kumbu ndu paale niaa landu ndu len. Kani vana nda landu o yɔmndo coo-o, danga fula Hala o ba-o o co ni. Nduyɛ, la bɛnda mì la nɔɔliaa lɛŋnde Mɛlɛka Hala niaa ke niaa kɛ́ɔ len te.»

Kalatea 3:13

Krista soli naa o danga tɔŋndo bɛngu, le tùú danga naa muungu ndu coo-o, kani o co o sɛvaa aa: «Dangaa co le vana-vana nda baŋ pɛ o yɔmndo coo.»

Dɛnnda kiilaa 13:29

Telen nda cii ɲɛ-ɲɛ Sɛbɛ-Hala-o dimi a ndu o kɔɔ-o dimio, má tuisi ndu o yɔm singafilaa coo, má kumbu ndu o sɛiyo nin.

Dɛnnda kiilaa 5:30

Hala fuɲaa naa mamaa mingi Yeesu yoomu fulaa vanvílɛ́iya tɛɛn, Yeesu niaa baŋ o yɔm singafilaa coo-o.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Nsaŋ 3:14

Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Luke 24:7

‹Mɛɛ mà mal Po vanacieo vanaa lahakia o ba, mà baŋ ndu o yɔm singafilaa coo, o paale yàándɔlen, o tendulnin fulaa vanvílɛ́iya tɛɛn.›»

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

Condii lisai 22:16

Yoomuma nian ma vesan maa bɔ́w, diɛɛmulen le vesa ya o sondo sɛ́ɛ́n, a handu ya o sɛiyo sondoo.