Luke 22:62 - BII BILA

⁶² Mó fula o bɛ́ɛ̀, mó kɔ caŋ taw.

Luke 22:62 Referans Kwoze

1Korɛntea 10:12

Lelan, vana-vana yiyan pɛ maa o sim yili, ndu mandan yɔŋii o del.

Matie 26:75

O kon, mí Piɛr yiyan sɔɛi Yeesu ndóò dimul ndu-e aa: «Lɔ́ɔ́ pá kongillo koova, a vuununnin leyáá maa a sina ya le.» Mí Piɛr fula, mó kɔ caŋ taw.

Marke 14:72

Fɔ́ɔ́fɔ̀, mí kongillo koova vɛlɛ o diinndɔɔ. O kon, mí Piɛr yiyan sɔɛi Yeesu ndóò dimul ndu-e maa: «Lɔ́ɔ́ pá kongillo koova lediin, a vuununnin leyáá maa a sina ya le.» O kon mó caŋ.

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Esekiɛl 7:16

Vanaa hialunnin má lo yoomu-a, nda ɲaanunnin má kɔ hel o pembon coo. A vanin ndon maa poonpoŋaa caŋ o bóltan nin-nda, vana-vana vanin somisominndo le tɛɛmbuu ndɔɔ.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Condii lisai 38:18

I co le ŋɔɔcan, kani sangaa co vɔ ya coo tuŋ.

Luke 22:61

Mí Maalii mulin, mó tofa Piɛr. O kon mí Piɛr yiyan dɔ́ɔ́ sɔɛi Yeesu ndóò dimul ndu-e aa: «Lɔ́ɔ́ pá mì kongillo koova hau, a vuununnin leyáá maa a sina ya le.»

Luke 22:63

Mí vanaa va Yeesu hɔlten-nda kandu ndu mamɔɔ a ndu lɔɔ.