Luke 22:43 - BII BILA

⁴³ O kon, mí mɛlɛkanɔɔ fula o halataala le ndu yoomuan lueiyo.

Luke 22:43 Referans Kwoze

Matie 4:11

O kon mí masa ɲinaa vɔɔnda faŋan Yeesu kɔɔli. Mí mɛlɛkaa sɔɔnguu ndu ikɛi, má nɛŋi ndu makoo.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Matie 26:53

Sina pɛngu maa te yáà dimul pɛ Fuɲa nuu le ya malaa, ndóò nɔla mì ndóò yɔŋ ya mɛlɛkaa cɔwva kundalan tɔ́ a latiɔn.

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Luke 22:32

Kɛ i cii Hala piɛi le nɔm, yɔŋii laalan nɔmndo cuu. Nɔm yɛ, a muungu pɛ ya o ibuŋ, a luei puapilɛa nɔmnda yoomuan.»

Matie 4:6

mó dimul ndu aa: «Te po Hala-o n co ni, huulu vɔ, mà tol, kani o co o sɛvaa aa: ‹Hala dimulnin mɛlɛkaa ndɔa sɔɛi nɔmnde, mà saala nɔm o balan coo yɔŋii n kposoŋa pelei o powvo.›»

Tɔŋ miingua 3:28

Yɔngu Yosue silalan, luei ndu yoomuan ma simi ndu yili. Kani ndu kɔanin a vannda ha mò yɔngu nda lɛŋnde n co len cɔu len kɛ́ɔ ni.›

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Daniɛl 11:1

«Ya yɛ, o vɔsi tasoo nin o masale Darius Mɛdenɔ len bɛngu, i va ndu Darius ikɛi le ndu malaa a le ndu yoomuan yɔngoo.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»