Luke 22:35 - BII BILA

³⁵ O kon kɔɔli, mí Yeesu ɲuna nda aa: «Lɔ́ɔ́ yáà vem niaa niáà nɔ n'voli loo, láà nɔ bɔlɔ congú a lasamta loo, vɛ̀ɛ̀ ɲɛ va pá niaa lepɛŋ?» Má muli aa: «Ɛ-ɛ, ɲɛ ve naa lepɛŋ te.»

Luke 22:35 Referans Kwoze

Luke 10:4

La kɔa a n'voli le, la kɔa a bɔlɔ le, la kɔa vɛlɛ a lasamta le. La yilan niaa vana o nɛi le.

Luke 9:3

Mó dimul nda aa: «La cua ɲɛ-ɲɛ o kɔlan te, o va lesiondoo, o va bɔlɔ congú, o va bulu, o va ivoli. La cua vɛlɛ domala tiɔn te.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

Condii lisai 23:1

Condii David-e. Mɛlɛka co ya mandaa ni maa vana mandaa n'saa, ɲɛ-ɲɛ co ya lepɛŋ te.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

Luke 22:34

Mí Yeesu mulul ndu aa: «Piɛr, mì dimul nɔm, kongillo koovanin hau le mà viinun leyáá maa a sina ya le.»

Luke 22:36

Mó dimul nda aa: «Nihau ndu, vana nɔ pɛ bɔlɔ n'volio, mɛɛ o cua ndu maa vana nɔ bɔlɔ congóó-o. Vana nɔ mɔɛi cɔw le, mɛɛ ndu pisi doma ndɔ bɛndoo, mò pendu ipilɛ.

1Masaa 11:22

Mí Faraɔnnɔɔ ɲuna ndu aa: «Yɛɛ nɛ co yɛ nɔm pɛŋnden nanu ma va yeemɛi le muungoo o lɛŋnde nɔmnden nin?» Mó muli aa: «Ɲɛ-ɲɛ co ya lepɛŋ te, kɛ o va bɛɛ lende, cɛl-la mì kɔɛ.»

2Korɛntea 8:15

maa mɛɛ o co o sɛvaa yɛ aa: «Vana cuungiaa hoo taw-vo, o co mò nɔ mò hiow caanda le, vana cuungiaa ɲɛ-pɔmbɔ-o bɛɛ, ɲɛ ve ndu lepɛŋ te.»