Luke 22:26 - BII BILA

²⁶ Kɛ niaa niaa, o va lende le niaa le. Vana co vana bɛndoo niaa tɛɛn-ndo bɛnda mò siŋnun maa o hiow niaa dɔɔnanndo-o, mì o co niaa simndan lacio siŋnun buɛi niaa.

Luke 22:26 Referans Kwoze

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

Marke 9:35

O kon mí Yeesu cal, mó veelu kaandeŋaa tɔ́ a à ŋiɔnda, mó dimul nda aa: «Vana yeema pɛ le vaa vana tasoo, ndu siŋnun vana mɛɛlaa kpɔŋ mo va vɛlɛ buɛi vannda kpow.»

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Matie 20:26

Kɛ o co lende le i vanin niaa tɛɛn te. Vana-vana yeema pɛ le vaa vana bɛndoo niaa tɛɛn, ndu bɛnda mò siŋnun buɛi niaa.

Marke 10:43

Kɛ o co lende le i co niaa tɛɛn te. Vana-vana yeema pɛ le vaa vana bɛndoo niaa tɛɛn, ndu bɛnda mò siŋnun buɛi niaa.