Luke 22:20 - BII BILA

²⁰ Ɲɛdiaa icɔllo cuvɔɔ dioo, mó tosa vɛlɛ lende a taala kólaa, mó dimul nda aa: «Taala kólaa ho co kpema sɛnɛi yiinun a kooma nian-ndo ni, ma saŋnun le niaa-an pɛɛn.

Luke 22:20 Referans Kwoze

1Korɛntea 11:25

Ɲɛdiaa icɔllo cuvɔɔ dioo, mó tosa vɛlɛ lende a taala kólaa, mó dimul nda aa: «Taala kólaa ho co kpema sɛnɛi yiinun a kooma nian-ndo ni. La va hoo tosaa le yiyanndo a ya kɔɔ tuma-tuma niaa va pɛ koovan man kolɔɔ.»

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Sakari 9:11

Mɛlɛka dimi aa: «Le niaa yɛ niko, le kpema ya yii a niaa a koovan-ndo, i co vanaa niaa co o biyɔɔ nin-nda baŋa, mì soli nda o soon mɛmma co lɛ lenin too nin.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Fulaa 24:8

O kon, mí Moise cua kooma cɔlua kan, mó fasaŋiaa man nda coo, mó dimi aa: «Kooma kpeman ma co man ni, kpema Mɛlɛka yii a naa o sɔɔn mun kpow nin-ndo.»

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Yeremi 31:31

Mɛlɛka dimi aa: ‹Paale vanin mì yii kpema sɛnɛiyo a vannda Israɛl a á Yudaa.› Sɔɛi fula Mɛlɛka o sondo-e co ken ni.

Hebreea 9:17

Sɔɔn o congun mun-ndon nɔla mì n tosan te, te vana kon co vɔ pɛ yoomu. Kɛ te vana congun kon-ndo vi dɔ́ɔ́ pɛ, sɔɔn o congun-ndon tosan.

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Hebreea 9:15

Lelan Krista co vana tɛɛlanndo le kpema sɛnɛiyo ni. O sɔla piɔ́mndo le vanndacieea baŋaa le tɛɛmbuula ndalan telen nda va o kpema tasoo bɛngu-o. Vanaa sɔla veeloo-a nda tiwba ma sɔla kɛ́ fɛɛn-fɛɛn Hala yiilu nda kpemaa-o.

Marke 14:24

Mó dimul nda aa: «Kooma nian ma co man ni, kooma kpema-an, ma fula le vannda taw-van.