Luke 21:17 - BII BILA

¹⁷ Vannda kpow a kɛɛnin niaa le diola nilan.

Luke 21:17 Referans Kwoze

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

Nsaŋ 17:14

I ke nda sɔɛi nɔmnde, mí ceendo kɛɛ nda, kani a co le ceendo le, maa mɛɛ ya pila i co le ceendo yɛ.

Marke 13:13

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Luke 21:16

Hali fuɲaa niaa, kalaa niaa, puapilɛa niaa, vanayan niaan a caaŋaa niaa malnin niaa yaamɔaa niaa o ba. A diwnin vanaa pum niaa tɛɛn.

Luke 21:18

Kɛ hali yiiŋii co niaa o lebol-le, lepilɛ bɛɛ le delnin lɛŋ te.