Luke 20:47 - BII BILA

⁴⁷ Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Luke 20:47 Referans Kwoze

Marke 12:40

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen haliko mi vannda ce maa a naŋ. Yamɛi ndɛi kiandunin dɛ!»

Nsaki 3:1

Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Misee 3:2

Kɛ dɛnɛ sandaa nɛinun niaa ni, mì la kaola dɛnɛ vɔɔndo. La co lo vannda ɲɛm ndan poondiaa o laba háá mì buu nda yáwlan a vision o paalan coo.

Misee 2:8

Kɛ niaa niaa, mí Mɛlɛka dimul niaa aa: ‹La co siŋnɔnndo yaamɔɔa le vanaa nia, la co vanaa co fulaa o cɔwvo má va hiovɔɔ a kɔlɲuloo-a volɔɔlan solio lekɔɔ.

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Esai 10:2

le vanaa bala fondoa kuunaa le luɛyɔɔ o fondala kialaa n'yamalan nin, le vanaa ikɔɔa o vanaa niaa tɛɛn dí ndaa tuŋɔɔ. Le vanlaandua piaandaa ndaa vi-a ɲɔɔn puuvo o laba, le ɲɛm vííya poondiaa a paa-kala!

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

Misee 2:2

Yondolan lapum bɛɛ la hɛnan nda ni, a poonda. Cɛilan lapum bɛɛ nda fula hɔlten ni, a hɛlu. Delɔɔ nda del vanacieo coo a cɛi ndɔɔ kpow ni, ma de ndu a kɛ́ ndɔɔ kpede.

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Matie 23:14

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co ɲɛm vanlaandua piaandaa ndaa vi-a kpow poondiaa, mì la muungu vɛlɛ piɛile vilɛi-vilɛilen tosaa, haliko mi vannda dɔw niaa taasi. Lelan, yamɛi kilulunnin niaa teengen, ɲíí venin te].

Luke 20:46

«La mandan a vanaa pɛɛkaa latɔŋnda. À yeema kelaa a domala bɛndulan lekɔɔ. À ɲɔɔ hɛ́nàn le vannda vaa keiyo nda yilɔɔ o bɛ́ɛ̀la bɛndulan-nda. À yeema vɛlɛ calle o kpɛŋɛla taselan coo o cɛila lekaanndan nin a o fondala taselan o ɲɛdiaa kafoo.

Luke 21:1

Yeesu heeloo hɔlla, mó ca vanaa bolofaa fangadaamala ndalan vowvo nɛɛ kɛsiaa bolofaa o Cɛi-Hala-o nin.