Luke 20:36 - BII BILA

³⁶ A vi lɛnin te, kani maa mɛlɛkaa nda vanin ni. Poaa Hala-a nda vanin ni, le tùú nda tendulnin mà muungu yoomu-o.

Luke 20:36 Referans Kwoze

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Matie 22:30

Kani o tendul vanvílɛ́iya, vanpiaandua yilnin n'laandu le, vanlaandua bɛɛ a celnin o lanɔ le, kɛ maa mɛlɛkaa co o halataala-a vanndacieea vanin ni.

Dɛnnda cɔɔmuanndan 20:6

Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

1Korɛntea 15:42

Lende ɲɔɔ vanin o tendul vanvílɛ́iya ni. A kɔɔle vu len nda kumbun ni, mà tendul a kɔɔle vi le len.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

1Korɛntea 15:26

Yaamɔɔ o tɛɛmbuunin o mɛɛlulan kpɔŋ-ndo co piɔ́mndo ni.

Marke 12:25

Kani o tendul vanvílɛ́iya, vanpiaandua yilnin n'laandu le, vanlaandua bɛɛ a celnin o lanɔ le, kɛ maa mɛlɛkaa co o halataala-a vanndacieea vanin ni.

1Korɛntea 15:49

Mɛɛ naa n velan a vana cɔwnun a puuloo-o yɛ, lende koni naa n velannin a vana fula o halataala-o ni.

Sakari 3:7

‹Nuaa Mɛlɛka-Nɔ-Kpaayaa-Kpow-vo soo ni aa: Taa kela pɛ o nɛila nilan coo, taa bii pɛ tɔŋnda nilan kpáŋ, nɔm vanin yaman kiolɔɔ o cɛi nuu nin ni, nɔm vanin bɛɛ nuu mandaa ni. O kon, i kenin nɔm fondaa o vanaa co haa isisi nanu-a tɛɛn.›

Osee 13:14

I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Rɔmnda 8:16

Kɔl-Diandaa pila co seilen solio o kɔlta naalan-ndo maa cuavaa Hala-a naa n co ni.