Luke 20:21 - BII BILA

²¹ Má ɲuna ndu aa: «Vana bɛndoo, n sina maa o sandei nin n co sɔɛi le vannda pɛɛkoo ni, a co vana-vana tofa le, o toɲaa coo n co vannda sɔɛi Hala-e pɛɛkoo ni.

Luke 20:21 Referans Kwoze

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Nsaŋ 3:2

Mó hun o Yeesu lo icɔllo, mó dimul ndu aa: «N sina maa vana pɛɛkaa Hala vem-ndo n co ni, kani vana-vana nɔla kaamaala n co lan tosaa lan tosa le, te o co mì Hala va ndu ikɛi le.»

Marke 12:14

Má kɔ dimul ndu aa: «Kɔɔfa, n sina maa vana toɲaa n co ni, nduyɛ a vo le vana-vana toɲaa dimullo le. O toɲaa coo n co vannda sɔɛi Hala-e pɛɛkoo ni. Vɛ̀ɛ̀ o bɛnda pá mì n mal muloo Sesar o ba? N mal ndu muloo o ba bàà n mal te?»

Condii lisai 55:21

Caan nuu lɔ́ɔ́ kon bii vanaa nda va kelaa o kɔlɲuloo nin-nda. O peelu kpema o yii-o le.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

2Dɛnnda lemasalan 19:7

Lelan, la ke ndu bɛɛlen mì la caa taw. Kani Mɛlɛka Hala naa mel sandii lepɛŋnde haki le, o mel vannda hiyanndo handɔɔ tɛɛn haki le, o mel vɛlɛ vannda ɲɔɔn poondiaa o laba le luɛyɔɔninndo haki le.»

Kalatea 2:6

Kɛ vanaa vannda a va cɔu maa vanaa lebɛɛ-a, i co bɛɛ isɔɔ a mɛɛ nda va yɛ o kɔɔ le! Kani Hala hiyan vannda le-a beŋ ya ɲɛ-ɲɛ le.

Luke 20:20

O kon ma va Yeesu hɔlten kɔɔli, má viam vannda, mí vanaa kan tosa maa a kɔlta ndalan kpeekpei ndáà kɔɛ ni. Ndáà yeema mì ndáà tosa, mì Yeesu ndóò biinun a sondo, o kon mì ndáà kɔ lɔlu ndu o vanaa kialaa n'yamaa a o simlacia lelɛŋnda lo.

Luke 20:22

Lelan dimul naa, vɛ̀ɛ̀ o bɛnda pá mì n mal muloo Sesar muloo o ba?»