Luke 20:13 - BII BILA

¹³ Mí vana nakɔɔ dimi aa: ‹Vɛ̀ɛ̀ ya co yɛ hee biyɔɔ? I co po ni kaolaa vomɔɔ, bɔɔle ma ke ndu bɛɛlen.›

Luke 20:13 Referans Kwoze

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Nsaŋ 1:34

Ya yɛ, i ce mi timbi seilen maa ndu co Po Hala-o ni.»

Luke 9:35

Mí diomndo pum fula o yumbuyumbu kon nin, mó dimi aa: «Po ni ya hɛli-o co hoo ni. La tuei ndu diom.»

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Esai 5:4

Yɛɛ nɛ ndóò lo yɛ vɛlɛ le tosaa o nakɔ nuu nin o ya tosa lenin too? Le yɛɛ nɛ ya va yɛ tiindanndo maa o co rɛsɛŋun kɛndɔn komɔɔ, kɛ mó koam rɛsɛŋun vɔɔnndon?

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Luke 18:2

Mó dimul nda aa: «Vana kialaa n'yamaa pilɛ va o kobio pum nin, ndóò nɔ isiòòŋ a Hala le, ndóò vo vɛlɛ vana-vana le.

Luke 18:4

Mí ɲɔɔ viaw ka, o cɛl te. Kɛ o mɛɛlulan kpɔŋ, mó yiyan o kɔl ndɔɔ nin maa: ‹Hali mi nɔ bɛɛ isiòòŋ a Hala nuaa le, mi vo bɛɛ vana nuaa le,

Luke 20:12

Mó viam vɛlɛ buɛi yàándɔɔ. Má booluu kon, má toaw ndu.

Luke 20:14

Kɛ vanaa tósà baalaa o nakɔ n'rɛsɛnndo nin-nda cɔu ndu, má dimulan vellaa-velle aa: ‹Vana nɔ kɛ́ɔ-vo co hoo ni. N diinun ndu haliko mi kɛ́ɔ lo le naa.›