Luke 2:41 - BII BILA

⁴¹ Vɔsi oo vɔsi, yungu Yeesu-o va kɔlan Yerusalɛm le kafo-hiavaa-coo.

Luke 2:41 Referans Kwoze

Tɔŋ miingua 12:18

Mɛlɛka Hala niaa o hɔl, o fonda ndu pila hɛlinin-ndo niaa bɛnda le ɲɛla lan dioo ni. Niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda bɛnda le ɲɛla lan dioo ni. O kon, la dɔwnun ɲaale Mɛlɛka Hala niaa o hɔl le kɔmnde niaa vanin sɔlaa o valta niaalan nin-nden.

Nsaŋ 2:13

Kafo Yuifia va nin kpɛɛlun, kafo-hiavaa-coo pɛɛn, mí Yeesu hel Yerusalɛm.

1Samiɛl 1:21

O kon kɔɔli, mí Ɛlkana muungu vɛlɛ Silo nda yungu ndɔɔ le Mɛlɛka sálà nda soli lepilɛ o vɔsio nin-ndo solullo a le yoole ndóò baa len timbio.

1Samiɛl 1:3

Vɔsi oo vɔsi, Ɛlkana va cɔnɔnndo Rama le kɔlan Silo le Mɛlɛka-Nɔ-Kpaayaa-Kpow-vo biiloo a le ndu sálàlan solullo. Poaa ŋiɔŋaa Helii-a, Hɔfni nda Pineas, vanaa-solia-lasálàá Mɛlɛka-a nda va Silo ni.

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Tɔŋ miingua 12:11

O fonda Mɛlɛka Hala niaa hɛlinin kon le diola ndɔlan vaa biilɔnndo lenin-ndo niaa vanin hunɔɔ a ɲɛm ya dimul niaa le yɔngoo-on ni: sálàla loamaala niaalan, sálàla niaala celenndan, o-tɔ́ndɔla niaalan, ɲɛm niaa vanin yɔngoo a yeemɛi-yon a ɲɛm niaa vanin hunɔɔ le yoole niaa baa o Mɛlɛka lo len timbio-on.

Kundalan 28:16

«O paale tɔ́ a lehiɔɔlundɔlen coo o paangii tasei o vɔsio nin, kafo-hiavaa-coo bɛnda mò tosan le Mɛlɛka biiloo.

Tɔŋ lasálàá 23:5

Te paangii tasei tiiya pɛ palɛi tɔ́ a ihiɔɔlu, la tosa kafo-hiavaa-coo a paale delaalen le ya Mɛlɛka biiloo.

Fulaa 34:23

Vanpiaandua kpow a bɛnda mà hin bɛmbɛ leyáá o vɔsio nin ya Maalii o hɔl, ya Mɛlɛka Hala Israɛlla pɛɛn.

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 11:55

Kafo Yuifia va nin kpɛɛlun, kafo-hiavaa-coo pɛɛn, mí vanaa bɔɔ-bɔɔ a va fulaa o cieon pɔmbɔn a o kobila tɔ̀lan nin, má va kɔlan Yerusalɛm le dindinndo.

Nsaŋ 6:4

Kafo-hiavaa-coo ndóò sɔɔnguu nin, kafo Yuifia pɛɛn.

Fulaa 12:11

Mɛɛ niaa bɛnda le ɲɛdiaa kon dioo yɛ co hoo ni: la bɛnda mì la kandan yáwlen o caŋ, mì la vownun samtalan o n'pelu, mì la bii tindala niaalan o laba. La bɛnda mì la de ndu cɔ́-cɔ́ le kɔlan. Nuaa niaa bɛnda ni mi la tosa kafo-hiavaa-coo le ya Mɛlɛka.

Luke 2:42

Yeesu sɔlaa vɔsilan tɔ́ a latiɔn, má kɔa Yerusalɛm mɛɛ ndáà dema tosa a naamu kafo kon o kɔɔ yɛ.