Luke 2:40 - BII BILA

⁴⁰ Poombɔɔ va hiovɔɔ laci a hindɔɔ, o va vɛlɛ yoomuan sɔlaa. Mó sɔla kɔlkaloo taw, Hala va vɛlɛ ndu kɛndɛi tosallo.

Luke 2:40 Referans Kwoze

Luke 2:52

Yeesu va hiovɔɔ laci a hindɔɔ a á kɔlkaloo sɔlaa, dɛnnda ndɔlan la va Hala hɛnanndo, la va vɛlɛ vannda hɛnanndo.

Luke 1:80

Poombɔɔ va hindɔɔ, o va vɛlɛ hiovɔɔ laci a kɔlkaloo sɔlaa. Mo lo o lɛŋnde veselɛilen nin háá telen o kandu Israɛlla sɔɛi o hɔl-lo.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

1Samiɛl 2:26

Samiɛl-lɛ, o va hiovɔɔ laci tuŋ a hindɔɔ, mó va vanndacieea a Mɛlɛka hɛnanndo.

1Samiɛl 3:19

Mɛɛ Samiɛl va sulɔɔ yɛ, lende koni Mɛlɛka va ndu ikɛi ni. Lelan sɔɔn o va dimio-on kpow n va peelɔnndo ni.

Luke 2:47

Mí vanaa va ndu diomndo tueyɔɔ-a kpow a dɔawnun kɔndɔfili a kɔlkalu ndɔɔ a á mulila o va yɔngoo lan.

Condii lisai 22:9

«O sɔɔ dɛnɛ ndɔɔ Mɛlɛka o ba, Mɛlɛka baŋa niko ndu, mò ciindiaa ndu, kani O kaola ndu.»

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

Masaa kialaa n'yamaa 13:24

Mí lanɔɔ Manoa vialu poo, mó ke ndu diolan aa Samsɔn. Mí poombɔɔ sul, mí Mɛlɛka dɔaw ndu duaa.

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

Dɛnnda kiilaa 4:33

Kiilaa va hiovɔɔ laci a seile Maalii Yeesu tendul fulaa vanvílɛ́iya tɛɛn-nden timbio a kpaayaa. Nduyɛ, Hala va nda duaa dɔvɔɔ taw.

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

1Samiɛl 2:21

Mí Mɛlɛka yiyan Anɛɛ coo, mó vialu vɛlɛ poaa nda yáá, a cuavaa laandua nda ŋiɔn. O telen kon bɛngu, Samiɛl va hindɔɔ o baala Mɛlɛka-o nin.