Luke 2:37 - BII BILA

³⁷ mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Luke 2:37 Referans Kwoze

1Timote 5:5

Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

Condii lisai 23:6

Dɛnɛ kɛndɔɔ a kɛndɛi nɔmnde vanin ya kɔɔli o palɛi ya vanin yoomu-e kpow nin. I vanin hunɔɔ o Cɛi-Mɛlɛka-o nin lɔ́ɔ́-lɔ́ɔ̀.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Dɛnnda kiilaa 13:3

O kon, ndáà ciiyo sumndo biyɔɔ a Hala piɛiyo, má handu nda balan coo, má mal nda kɔlan.

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Condii lisai 22:2

Hala nuu! Hala nuu! Le yɛɛ n mal-lɛ ya? Le yɛɛ n lonnun yɛ lándán, a co ya ciindiaa le? Le yɛɛ a co somisominnda nilan tueyɔɔ le?

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Luke 5:33

Mí Faliisia dimul Yeesu aa: «Kaandeŋaa Nsaŋ-nda co sumndo biyɔɔ cuɛi-cuɛi ma va Hala piɛiyo, a naa bɛɛ co kon tosaa. Kɛ a nɔmnda yɛ, a co dioo ma va kolɔɔ.»

Condii lisai 84:10

Éé nɔm Hala co naa kandaa-o, tofa masaa, mà sɛɛna vana n hɛli-o ɲɛkɛndɛi.

Condii lisai 84:4

Éé Mɛlɛka-Nɔ-Kpaayaa-Kpow-vo, nɔm masa nuu, Hala nuu! Nɛ́ɛ̀nɛɔ co nɛɛ calaa sɔlaa, lɛɛfɛnndo bɛɛ sɔlà vɛɛnnden le cuavaa ndɔa kɛsio lenin o fondala-loamaa-lasálàla nɔmndan ikɛi.

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.

Fulaa 38:8

Mó toosiaa fɛngɛ bɛndu n'daɲaa a ɲɛ fɛngɛ kon kɛsi tumndo nin-ndo. A tofannda vanlaandua vá baala ndaa tosaa o cɛi-kola-toandaa-labɔɔŋianndo sondoo-a o toosiaa ndu ni.

Condii lisai 92:13

Vanaa sandaa co yandɔɔ maa mavaw, a co bandei maa sɛɛdrei Liban.