Luke 2:12 - BII BILA

¹² Tɔɔmasele niaa sinanin ndu-o co hoo ni: la komalnin cɛlɛkpɔɔ o simbulaa ihini nɛɛ nda dow cɔlua billo-a.»

Luke 2:12 Referans Kwoze

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Esai 7:11

«Ɲuna Mɛlɛka Hala nɔmndo mo cɔm nɔm dɛnɛ tɔɔmaseloo pum le nɔm pila, ɲuna ndu mò cɔm nɔm ndu, o va o lɛŋnden bɛngu di-di ni, o va o halataala coocoo pɔ́-pɔ́ ni.»

Condii lisai 22:6

A va nɔm cɛɛŋɔnndo o lani, má va baŋaa sɔlaa. Nɔm ndáà tiindan ni, lelan siɛmbula tul nda le.

2Masaa 20:8

Nduyɛ mí Esekia ndóò ɲuna Esai aa: «Cɔm ya tɔɔmasele ya sinanin maa Mɛlɛka co ya singi, i vinin paale yàándɔlen o Cɛi-Hala-o nin-too?»

2Masaa 19:29

«Le nɔm Esekia yɛ, tɔɔmaseloo co hoo ni: nanndee, malun vulnin a ba ndɔ-on vannda vanin dioo ni, ɲinasiaŋ bɛɛ, malun vulnin a ba ndɔ-on vannda vanin dioo ni, kɛ o vɔsi yàándɔɔ nin ndu, niaa pila bɛnda mì la saŋ mì la kow, mì la tɔl rɛsɛnndon, mì la de kɔmnde ndɔlen.

1Samiɛl 2:34

A canin tɔɔmasele sɔɔn mun a ɲɛ yɔŋnunnin poaa nɔmaa ŋiɔnda-o, Hɔfni nda Pineas pɛɛn. Nda ŋiɔn kpow, a sɔlanin piɔ́mndo o paale pilɛ len nin.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Luke 2:7

Mó vialu po ndɔ tasoo. Mó simbul ndu o kolaa nin, mó yambu ndu nɛɛ nda dow cɔlua billo-a, kani a sɔla fonda o cɛi yiyaa mialla nin te.

Luke 2:13

Fɔ́ɔ́fɔ̀, mí mɛlɛkaa fula kunda bɛndoo o halataala, má sɔɔnguu mɛlɛkanɔ kon ikɛi. Má va Hala biiloo a dimio aa: