Luke 19:47 - BII BILA

⁴⁷ Yeesu va vannda pɛɛkoo lɔ́ɔ́-lɔ́ɔ̀ o Cɛi-Hala-o nin. Kɛ bolii vanaa-solia-lasálàá, vanaa pɛɛkaa latɔŋnda a simlacia lelɛŋnda va nɛilan nuwviaa le ndu diyɔɔ.

Luke 19:47 Referans Kwoze

Marke 11:18

Mí bolii vanaa-solia-lasálàá a vanaa pɛɛkaa latɔŋnda tuɛi sɔɛi ken, má va nɛilan nuwviaa le ndu diyɔɔ, kani ndáà nɔ siòòŋii ndɔɛi, kani pɛɛku ndɔɔ va nda kɔltan pilanndo.

Matie 26:55

O kon kɔɔli, mí Yeesu dimul sɛ́lɔ́ɔ́ aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui? Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le.

Nsaŋ 18:20

Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.

Nsaŋ 10:39

O kon, má can Yeesu kɔɔli le ndu biyɔɔ, kɛ mó hialun nda.

Nsaŋ 7:44

Vanaa pum nda tɛɛn ndáà yeema mì ndáà bii ndu, kɛ vana-vana hol ndu baa le.

Nsaŋ 7:19

Vɛ̀ɛ̀ o co tɔŋndo le Moise ke niaa le? Nduyɛ niaa kpede, vana-vana co kela o tɔŋ kon coo le. Le yɛɛ niaa co yɛ niko nɛilan nuwviaa le ya diyɔɔ?»

Marke 14:1

Ndóò lo palɛi ndii ŋiin, mì kafo-hiavaa-coo a kafo bulu toosian a lɛvɛn too ndóò tiiya. Mí bolii vanaa-solia-lasálàá a vanaa pɛɛkaa latɔŋnda can nɛilan nuwviaa le Yeesu biyɔɔ a kɔlkalu vɔɔndo, le ndu diyɔɔ.

Marke 12:12

Simlacia Yuifia va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́. Kani má bii bila maa le nda Yeesu ndóò dimi tale kon ni. Má faŋan ndu kɔɔli, má kɔannun.

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Marke 14:49

Lepalaa-lepala, i va icali o Cɛi-Hala-o nin niaa tɛɛn le pɛɛkulan yɔngoo, la bii ya le. Kɛ hee kpede tosan, haliko mi sɔɔn sɛvan o Sɛbɛ Hala-o nin-ndon peelun.»

Luke 19:48

Kɛ ndáà sina mɛɛ nda tosa le, kani vannda kpow a va ndu nilan yaŋɔɔ ɲɛkɛndɛi.

Luke 20:19

Fɔ́ɔ́fɔ̀, mí vanaa sɛvaa latɔŋnda a bolii vanaa-solia-lasálàá can nɛilan nuwviaa le ndu biyɔɔ. Kani má bii bila maa le nda ndóò dimi tale kon ni. Kɛ mí siòònde bii nda a vannda.