Luke 19:46 - BII BILA

⁴⁶ mó va nda dimullo aa: «O co o sɛvaa aa: ‹Cɛi lepiɛiyo cɛi nuu vanin ni.› Kɛ ndu niaa niaa siinguu buulula vuiya nuaa ni.»

Luke 19:46 Referans Kwoze

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Yeremi 7:11

Vɛ̀ɛ̀ buulula vanaa tosaa dɛnnda vɔɔnda cɛi nuu co ni, cɛi diola nilan la co hoo veelɔnndo nin-ndo? Nduyɛ lende ya co ndi cɔu vakpa ni. Diom Mɛlɛka dimi-o co kon ni.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Esekiɛl 43:12

Tɔŋ Cɛi-Hala co kon o pembei tullo-o co hoo ni: lɛŋnde balu cɛi kon-nden kpow ledianda-diandaa le co ni. A toɲa, tɔŋ cɛi kon co kon ni.

Condii lisai 93:5

Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.

Osee 12:7

Lelan sisa, niaa cuavaa-imamaa Yakɔb-a, la mùùngú ya Hala niaa o ibuŋ. La vá kelaa o vanakɛndɛyɛi a o sandei nin. La vá Hala niaa tiindanndo le lɔ́ɔ́-lɔ́ɔ̀.

Matie 21:13

O kon kɔɔli mó dimul nda aa: «O co o sɛvaa aa: ‹Cɛi nuu veelunnin aa Cɛi lepiɛiyo.› Cɛi kon niaa niaa siinguu buulula vuiya nuaa ni.»

Marke 11:17

Mó va nda pɛɛkoo, mó va dimio aa: «I co macoaa i sɛvaa le aa: ‹Cɛi nuu veelunnin aa cɛi piɛyaa le vanaa-mangalaa-isɔɔa súúlan kpow› le? Kɛ mì niaa siinguu ndu buulula vuiya.»