Luke 19:38 - BII BILA

³⁸ Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Luke 19:38 Referans Kwoze

Luke 13:35

Lelan, cɛi niaa lonin fondo fúú. I co niaa dimul, la ci lɛnin ya le, háá telen niaa diminin-ndo aa: ‹Biiloo co hunɔɔ o diola Mɛlɛka lan-ndo!›»

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›