Luke 19:26 - BII BILA

²⁶ Mí masaa dimi aa: ‹Vana nɔ ɲɛ o ba-o, a cɔɔlunnin ndu yɔngu. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba.

Luke 19:26 Referans Kwoze

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

Luke 8:18

Lelan, la caa taw, le mɛɛ niaa yaŋnun vannda yɛ. Kani a yɔngunin vana nɔ-o, kɛ vana nɔ loo, hali ɲɛ-pɔmbɔ o co yiyanndo maa o nɔ-o, ndu hialunnin ndu.»

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Matie 13:12

Kani vana nɔnin o ba-o sɔlanin cɔɔloo mo kui ndu o ba taw. Kɛ vana nɔ o ba loo ndu, hali o pɔmbɔ co ndu o ba-o hialunnin ndu.

Marke 4:25

Kani a kenin vana nɔ-o, kɛ vana nɔ loo, hali o ó nɔ-o hialunnin ndu.»

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Luke 16:3

Mí vana mandaa bolofaa kon ɲunan o kɔl ndɔɔ nin aa: ‹Vɛ̀ɛ̀ ya tosa yɛ? Kani vana ni bɛndoo co ya ɲɛm ndɔn faŋa o ba? I nɔ yɛ mayoomu mì tosa vali yondo le, nduyɛ siɛmbulan la co ya vɛlɛ le vannda ɲɔɔn piɛiyo.

2Samiɛl 7:15

Kɛ i lonin o diomnde nilen coo a ndu. I melnin ndu mɛɛ ya mal Saul mí handu nɔm o fonda ndɔɔ yɛ le.

Dɛnnda kiilaa 1:20

Nduyɛ, o co o sɛvaa o Sɛbɛ condii lisɛi nin aa: ‹Màá calta ndɔlan la lo fondo! Màá vana-vana cal lɛ lon te!› O co vɛlɛ o sɛvaa aa: ‹Màá vana celen muungu o fonda ndɔɔ!›

Condii lisai 109:8

Màá palɛi yoomuɛi ndɔɛi bingi, mì vana celen muungu o fonda ndɔɔ!

Luke 19:25

Mí vanaa kan dimul ndu aa: ‹Vana bɛndoo, ndu nɔ nihau sianion tɔ́!›