Kani o dimi aa: «O telen kɛndɔɔ, mí mulul nɔm, o paale cindaa len coo, mí mala nɔm.» Má cè niko telen niaa bɛnda mì la cɛl dɛnɛ kɛndɛ Hala-o o! Má cè niko paale cindaa len!
Nduyɛ, mɛɛ mì niaa kpow sina hee, mì Israɛlla bɛɛ a sina maa: o diola Yeesu Krista fula Nasarɛt-o lan, o niaa baŋ o yɔm singafilaa coo, mí Hala mingi ndu yoomu fulaa vanvílɛ́iya tɛɛn-ndo lan langbanɔ co hoo isisi niaa o hɔl-lo sɔla siongɔɔ ni.
Niaa Israɛlla, puapilɛa nia, la yaŋ nilan o sɔɔn mun! Yeesu fula Nasarɛt-o, langbanɔ kon Hala cɛl ndu niaa tɛɛn o dɛnnda kaamaalan nin, o dɛnnda kɔndɔfiltan nin a o tɔɔmaselela o va tosaa niaa tɛɛn-ndan nin, maa mɛɛ niaa sina kon válán yɛ.
Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»
