Luke 18:32 - BII BILA

³² Kani a malnin ndu vanaa sina Hala le-a o ba, mà mam ndu, mà saangiaa ndu, mà tufu ndu lɔluan coo.

Luke 18:32 Referans Kwoze

Luke 23:11

Mí Herɔde nda vanaa va ndu hɔlten nda sui ndu diɔmnde. Ndáà ciiyo ndu mamɔɔ, má vow ndu doma sɔvɛ-sɔvɛ bɛndoo, má mingi ndu o Pilate lo.

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Marke 14:65

Mí vannda pum can ndu lɔluan tufɔɔ coo. Má kumbu ndu hɔlla, má kuindikuindi ndu, má va ndu ɲunaa aa: «Dimul-lɔ hau naa vana lɔɔ nɔm-ndo.» Mí kpalilla bii ndu, má lɔaa ndu.

Matie 26:67

O kon kɔɔli, má tufu ndu lɔluan o hɔl, má kuindikuindi ndu. Mí vannda pum lɔaa ndu kpaŋnde, má dimul ndu aa:

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Misee 5:1

Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.

Esai 52:14

Mɛɛ o yɔŋnun vana vannda taw a yɔŋ siòònde-o yɛ, hɔlaa ndɔa ve lɛ maa hɔlaa vanaciee le, ndóò ve lɛ maa vanndacieaa tɔ̀a le.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Nsaŋ 18:35

Mí Pilate mulul ndu aa: «Mò va maa Yuifinɔɔ ya co ni? Vanaa nɔmnda a bolii vanaa-solia-lasálàá hin a nɔm o ya lo ni. Yɛɛ n tosa yɛ?»

Nsaŋ 18:30

Má mulul ndu aa: «Te ndóò tɛɛmbuu isɔɔ le, n ve hunɔɔ a ndu o nɔm ndo le.»

Nsaŋ 18:22

Mɛɛ Yeesu dimi lende, mí vana pilɛ o kpalilaa cumulaa va lon-nda tɛɛn soli baa, mó lɔaa ndu kpaŋnde, mó dimul ndu aa: «Nuaa n mulul bolle vanaa-solia-lasálàá ni?»

Luke 23:35

Vannda va isisi lon má va tofaa. Simlacia Yuifia va ndu mamɔɔ aa: «O ciindiaa caanda, mɛɛ ndu pila ciindian-ndɔ hau. Te ndu co Krista vana Hala hɛli-o ni.»

Luke 23:1

Mí vanaa bɛndua kan kpow a can, má kɔa a Yeesu o Pilate lo.

Matie 27:2

Má yii ndu, má kɔa a ndu, má kɔ mal ndu Pilate masa ibungaa o ba.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Marke 15:1

Ɲɔɔ tengaa, mí bolii vanaa-solia-lasálàá tundu nda simlacia, vanaa pɛɛkaa latɔŋnda a vanaa bɛndua tɔ̀a kpow. Má viam vannda, má yii Yeesu, má kɔa a ndu, má kɔ mal ndu Pilate o ba.

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

Matie 22:6

Mí vanaa tɔ̀a bii buɛyaa kan, má saangiaa nda, má diw nda.

Luke 18:33

A soaŋnin ndu, o kon kɔɔli mà dii ndu. O paale yàándɔlen, o tendulnin mò muungu yoomu.»

Nsaŋ 18:32

Ken yɔŋnun haliko mi sɔɛi Yeesu ndóò dimi a piɔ́m ndɔɔ o kɔɔ-e ndíì peelun.