Luke 18:31 - BII BILA

³¹ Mí Yeesu kɔa a kaandeŋaa tɔ́ a à ŋiɔnda, mó dimul nda aa: «Má cè naa helɔɔ Yerusalɛm! Dɛnnda vanaa-tɛɛngaa-diom Hala-a sɛva a Po vanacieo o kɔɔ lan kpow la co hunɔɔ peelɔn.

Luke 18:31 Referans Kwoze

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Luke 9:51

Telen Yeesu va le kɔnndan o halataala-o kandɔɔ tiiyaa, mó baŋ kangalan le luɛyɔɔ Yerusalɛm ciee.

Luke 9:22

mó dimul nda vɛlɛ aa: «Mɛɛ mì Po vanacieo sanga taw, mì bɛndua lelɛŋnda, bolii vanaa-solia-lasálàá a vanaa pɛɛkaa latɔŋnda kɛɛ ndu, mò sɔla piɔ́mndo, mò tendu fulaa vanvílɛ́iya tɛɛn o paale yàándɔlen.»

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Marke 8:9

Vanaa de dio kon-nda va le vannda vàála hiɔɔlu. O kon kɔɔli, mí Yeesu dimul nda le kɔlan o la nda lo.

Matie 27:63

má dimul ndu aa: «Vana bɛndoo, n loonun maa telen langbanɔ poopoo ho va vɔ yoomu-o, mó dimi aa: ‹Te i vi pɛ, palɛi yaa o kon kɔɔli, i tendulnin.›

Luke 10:30

Mí Yeesu muli aa: «Langbanɔɔ pum cɛn Yerusalɛm ni, mó va kɔlan Yeriko. Mó kei luɛyɔɔ vanaa del vannda coo-a tɛɛn, má del ndu coo, má poondiaa ndu ɲɔɔn kpow o ba. O kon kɔɔli, má lɔaa ndu, má mɛɛlu ndu tendú-piɔ́m.