Luke 18:13 - BII BILA

¹³ Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Luke 18:13 Referans Kwoze

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Condii lisai 41:4

Mɛlɛka malanin ndu tuma o vanin ihini o kpele ndɔɔ coo a sangaa-o, mò cɛw ndu telen o delnin a nàá-o.

Luke 23:48

Sɛ́lɛ́ bɛndu hin tofaa-o cɔw dɛnnda lan kpow, má muungu a mɔnɛi bɛnduei, ma va lɔlulan lɔɔnɔnndo.

Hebreea 8:12

i malnin nda haki, i loonun ndɛnin a hakila ndalan te.›»

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

2Korɛntea 7:11

Kɔl tambɛi Hala cɛl hoo mó komal niaa-o, la tofa vɔ sɔɔn kɛndɛn o tosa o ceennda niaalan nin-ndon: la cɔm yiyan kɛndɛ niaa nɔ-o, mí la keleŋa cɛvɔn! Mɔnɛi bii niaa taw, mí siòòŋii bɛnduei bii niaa, mí yeemɛi bii niaa vɛlɛ le ya cɔu, mí la dɔawnun ɲaale ɲɛkɛndɛi, mí la sɔla sangaa le dɛnɛ sandaa. O nɛi oo nɛi coo, mí la cɔm maa la tosa ɲɛ-ɲɛ vɔɔn o dɛnɔɔ ho nin te.

Condii lisai 25:7

Yiyan ndɛ hakila ya tosa o felengiyɛi nin-ndan a nila kalula ya tosa lan te. Kɛ yiyan bii ya mɛɛ n lò o lediom coo yɛ, a mɛɛ vanakɛndɛyɛi nɔmnde co yɛ, Mɛlɛka.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Luke 17:12

Ndóò tiiyaa o cieo pum, mí vanaa n'lɛlɛa pum hun ndu bɔŋa. Má sim lándán,

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Condii lisai 130:7

Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

Condii lisai 119:41

Éé Mɛlɛka! Màá kaola nɔmndo a cinda nɔmndo tol-la coo mɛɛ sɔɛi nɔmnde dimi yɛ!

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

Condii lisai 40:12

Nɔm Mɛlɛka, a tuŋ ya ɲíí nɔmnde le. Vanakɛndɛyɛi nɔmnde a sakpoyɛi nɔmnde vanin ya mandaa lɔ́ɔ́-lɔ́ɔ̀.

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

2Samiɛl 12:13

O kon mí David dimul Natan aa: «I cua hakio a Mɛlɛka.» Mí Natan dimul David aa: «Mɛlɛka cii nɔm haki malɔɔ le haki kon, a vinin te.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Marke 11:25

Telen niaa co cɔnɔn isisi le piɛilen-ndo, te sɔɛi pum co pɛ niaa o kɔl a vanndo pum, la mal ndu haki, haliko mi fuɲa niaa co o halataala-o bɛɛ mal niaa haki le tɛɛmbuula niaalan.

Luke 22:41

O kon kɔɔli, mó faŋan nda ikɛi, mó kɔa ɲɛ-pɔmbɔ, mó baŋ vulan, mó piɛi Hala aa:

Fulaa 33:10

Te Israɛlla ndáà ce pɛ dɔ́ɔ́ tindile ikumnde len isisi o cɛi-kola-toandaa kon dio, ndáà cɛn, ndáà baŋ vulan o cɛila-kolala-toandaala ndalan sondoo.