Luke 17:21 - BII BILA

²¹ Vana diminin te aa: ‹Má cè masale len nanu›, te kon te aa: ‹Má cè len o nda›. Kani masale Hala len le co niaa o lakɔl.»

Luke 17:21 Referans Kwoze

Matie 12:28

Kɛ te o va pɛ aa a Kɔl Hala-o ya co ɲinaa vɔɔnda tovɔɔ ni, mɛɛ masale Hala len le hin o niaa lo dí.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Marke 13:21

Lelan te vanndo dimul niaa pɛ aa: ‹Krista co nanu›, te kon te aa: ‹o co o nda›, la láálan ndu le.

Kolɔsea 1:27

Kani Hala ndóò yeema le nda sɔɛi viannaŋii ken cɔmndo, sɔɛi sɔvɛi kɛndɛi bɛnduei, i toosian le vanaa-mangalaa-isɔɔa kpow malaa-e. Sɔɛi viannaŋii ken co hee ni: Krista co niaa nin, mò va niaa kɔlkɛsiaa keo maa la vanin o biilu Hala-o nin.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Luke 17:23

A dimulnin niaa aa: ‹La tofa vɔ o nda!› Te kon te aa: ‹La tofa vɔ nanu!› Kɛ hali mì la kue lon te.

Nsaŋ 1:26

«Ya, o mɛnndan nin ya co yinɔɔ ni, kɛ vana pum co niaa tɛɛn, la sina ndu le, ndu hunnin o ya kɔɔli.

Nsaŋ 18:36

Mí Yeesu muli aa: «Masale nilen le co o ceendo coo nanu le. Te masale nilen léè va pɛ o ceendo ho coo, buɛyaa niaa va isisi le ya. Ndáà cɛlnin mì ndáà hin a ya o simlacia Yuifia lo le, kɛ sunsun masale nilen le co ɲɛ vaa ceen nanu le.»