Luke 17:20 - BII BILA

²⁰ Mí Faliisia ɲuna Yeesu aa: «Lɔ́ɔ́ kuɛɛ nɛ Masale Hala len le hun yɛnin?» Mó mulul nda aa: «Masale Hala len le hinnin mì vannda ce le.

Luke 17:20 Referans Kwoze

Nsaŋ 18:36

Mí Yeesu muli aa: «Masale nilen le co o ceendo coo nanu le. Te masale nilen léè va pɛ o ceendo ho coo, buɛyaa niaa va isisi le ya. Ndáà cɛlnin mì ndáà hin a ya o simlacia Yuifia lo le, kɛ sunsun masale nilen le co ɲɛ vaa ceen nanu le.»

Luke 19:11

Vannda va sɔɔn mun yaŋnɔnndo, mí Yeesu dimul nda vɛlɛ taloo. Nduyɛ, o va Yerusalɛm macɛlu, a va yiyanndo maa Masale Hala len le va hunɔɔ cɔmnɔn o telen kon.

Luke 16:16

Kandɔɔ o telen Moise-o, keiyo a telen vanaa-tɛɛngaa-diom Hala-a, kɔlan tiiyaa háá o telen Nsaŋ Vana yinaa-o, sɔɔn tɔŋndon va diminndo ni. Cɔn nin a telen kon, vannda co Yoongu Kɛndɛ Masale Hala len dimio. Nduyɛ, vana-vana co kindinndo le luɛyɔɔ o Masale len nin.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Luke 10:11

‹Cundu co o niaa lo ciee nanu-o bɛɛ, n co ndu koŋɔɔ mò faŋan naa o n'pelu. Nduyɛ, la sina maa Masale Hala len le sɔɔnguu niaa ikɛi.›

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Luke 14:1

O paale pɛngiaalen lepum coo, mí Yeesu luɛi o simlacinɔ Faliisia lo cɛinin le dioo. Mí vannda va ndu tofaa ɲɛkɛndɛi.