Luke 17:10 - BII BILA

¹⁰ Lende koni, niaa bɛɛ, telen niaa ciinin o nda vem niaa tosa-o tosa kpow-vo, la dimi aa: ‹Buɛiya daama naa n co ni, n nɔ dí le nuvali sɔla le. O náà n bɛnda le tosaa-o naa n tosa ni.›»

Luke 17:10 Referans Kwoze

Rɔmnda 11:35

Nɛ̀ɛ̀ fɔlɔn ke yɛ nin ndu ɲɛ, haliko mi ndu bɛɛ sɔla ɲɛ ndu o ba?

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Rɔmnda 3:12

Nda kpow a mal nɛiyo, má siŋnun vanaa fondoa. Vana-vana co dɛnɛ kɛndɛ tosa le, hali o pilɛ bɛɛ.

Matie 25:30

Vana baala nɛŋi hoo vana mako loo ndu, la soli ndu o bɛ́ɛ̀ o ɲumndan nin, nɛɛ caŋndan a ciŋndon sɔmndo vanin-nda.›»

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Filemɔn 1:11

O tasendɔ, nɔm óò nɔ tɔnɔ a ndu le, kɛ sunsun o siŋnun vana tɔnɔɔ le nɔm a ya.

Luke 17:9

Vɛ̀ɛ̀ o mel pá buɛi kalaa balika le ɲɛ o vem ndu tosaa-o?

Luke 17:11

Telen Yeesu va kɔlan Yerusalɛm-ndo, mó kei o pɛɛngulan tànda Samari-o a tàndá Kalile-o.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!