Luke 17:1 - BII BILA

¹ Mí Yeesu dimul kaandeŋaa ndɔa aa: «Mɛɛ tosaa co le, fɔ mì tɔɔndanndan la va o ceendo coo. Kɛ dɛnɛ palaa co le vana malnin vanndo o tɔɔndanndo nin-ndo!

Luke 17:1 Referans Kwoze

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

1Korɛntea 8:13

Lelan, te ɲɛdiaa co tosa ni mì puapilɛ nuu luɛi o pɔwlan nin, mɛɛ i di lɛ ɲɛ kon te, yɔŋii puapilɛ ni kon del.

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

1Korɛntea 10:32

La tosa ɲɛ-ɲɛ mì la luei vanaa co N'Yuifi le-a, te kon te Yuifia, te kon te vɛlɛ vanaa laalan Hala-a o pɔwlan nin te.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.