Luke 16:3 - BII BILA

³ Mí vana mandaa bolofaa kon ɲunan o kɔl ndɔɔ nin aa: ‹Vɛ̀ɛ̀ ya tosa yɛ? Kani vana ni bɛndoo co ya ɲɛm ndɔn faŋa o ba? I nɔ yɛ mayoomu mì tosa vali yondo le, nduyɛ siɛmbulan la co ya vɛlɛ le vannda ɲɔɔn piɛiyo.

Luke 16:3 Referans Kwoze

2Tesalonikea 3:11

Kɛ nduyɛ, n co tueyɔɔ maa vanaa pum a co niaa tɛɛn, siɛlɛiyo nda nɔ ni, a co ɲɛ-ɲɛ tosa le, fɔ sondolan keiyo vowvo o sɔɔn pilan nin.

Dɛnnda kiilaa 3:2

Langbanɔ va namtanɔɔ kabi o violɔn ndɔɔ-o va o dio luɛyaa Cɛi-Hala-o ikɛi, dio ndáà veelu aa: «Naŋɔɔ»-o. Lon ndáà hun a ndu lɔ́ɔ́-lɔ́ɔ̀ ni, le vanaa va hunɔɔ o Cɛi-Hala kon nin-nda ɲɔɔn piɛiyo.

Nsaŋ 9:8

Mí vanaa nda cal nɛɛ pilɛ-a a vanaa ce ndu paandu ɲɔɔn piɛiyo-a va ɲunaa aa: «O co langbanɔɔ ho le ndóò cal le vannda ɲɔɔn piɛiyo le?»

Luke 18:4

Mí ɲɔɔ viaw ka, o cɛl te. Kɛ o mɛɛlulan kpɔŋ, mó yiyan o kɔl ndɔɔ nin maa: ‹Hali mi nɔ bɛɛ isiòòŋ a Hala nuaa le, mi vo bɛɛ vana nuaa le,

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Luke 16:20

Langbanɔ pilɛ va ihini o dio luɛyaa ciɛiyo diolan Lasar. Pawve i va ndu i tivaa kɔɔlen kpow.

Luke 12:17

Mɛɛ tɔlɔɔla ndɔla lan la kom lende, mó ɲunan aa: ‹Ko vɛ̀ɛ̀ ya tosa yɛ? I nɔ lɛ fonda oo fonda ya cuungiaa ɲɛm ya kow-von kpow le.›

Marke 10:46

Má tiiya Yeriko. Tuma Yeesu va faŋanndo ciee nda kaandeŋaa ndɔa a sɛ́lɛ́ bɛndoo kɔɔli-o, vana sumɛiyo pum va icali o nɛiyo dangalaa, diolan Bartimee, po Timee-o, o va vannda ɲɔɔn piɛiyo.

Osee 9:5

Yɛɛ niaa tosa yɛnin o paale bɔɔŋian lekaando coo a o paale kafole Mɛlɛka len coo?

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

Talelan 29:21

Vana hiw pɛ buɛiyo kɛngaa kandɔɔ o cuaambɔyɛi nin, o mɛɛlulan, buɛi vaa lende kendu tundɔɔ.

Talelan 20:4

Le siòòŋii hoiye, vana siɛlɛiyo vee a telen bɛnda-o le. Tuma koavaa tiiya pɛ, o piɛi vannda, kɛ o sɔla ɲɛ le.

Talelan 19:15

Dialun vílɛ́in bɛndon lɔ́ngùlɔn siɛlɛiyo tuisi vana coo ni. Vana soli yɛ kpeku loo, yima cuu ndu kuee le.

Talelan 18:9

Vana co baala ndɔɔ saalan too, nda vana co ndu tɛɛmbuuo-o, yungu pilɔɔ nda co ni.

Talelan 15:19

Maa bɔ̀ɔ̀ n'yɔɔ nɛi vanaa siɛlɛiya co ni, kɛ pemale vanaa sandaa co ko maa nɛi siaa vakpa.

Talelan 13:4

Vana siɛlɛiyo nɔ yeeman, kɛ n peelun te. Vanaa fula diallon-nda, ɲɛ-ɲɛ ko connun nda o ba.

Ɛstɛr 6:6

Mí Haman luɛi, mí masaa ɲuna ndu aa: «Yɛɛ vana tosa yɛ le vana masaa yeema le bɛɛlen keo-vo?» Mí Haman ɲunan o kɔl ndɔɔ nin aa: «Ɔ́ɔ̀ vana celen masaa yeema le bɛɛlen keo-vo, te o co ya le?»

Dɛnnda kiilaa 9:6

Kɛ cɔn mà kɔɛ ciee. A kɔ dimulnin nɔm ɲɛ n bɛnda ma tosa-o.»

Matie 20:8

Paalen delɔɔ, mí vana nakɔɔ dimul vana ndɔ mandaa bolofaa aa: ‹Veelu vanaa baalaa mà sala nda. A kandu pɛ a vanaa mɛɛlu lakɔ-a a kɔ mɛɛlu a vanaa tasea kɔɛ-a.›

Luke 16:2

Mí vana bolofaa kon veelu ndu, mó ɲuna ndu aa: ‹Vɛ̀ɛ̀ ya co yɛ tueyɔɔ a nɔm o kɔɔ? Downun ya kona, kani a manda lɛnin bolofaa nuu le.›

Luke 16:4

Àá! I sina ɲɛ ya co tosa-o. Telen o solinin ya o fondaa ho-o, vannda kɔ biinin ya o la nda lo.›