Luke 16:24 - BII BILA

²⁴ Mó yonda aa: ‹Fuɲa nuu Abraham, tuinun ya iɲíí. Viom Lasar mò hun pila sui ndɔɛi hɔlle o mɛnndan nin, mó pɔɔla ya diɛɛmulen. Kani i co bɔɔ sangaa o yinnden nden nin.›

Luke 16:24 Referans Kwoze

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Nsaki 3:6

Nduyɛ, diɛɛmulen bɛɛ yinnden le co ni. Ceen dɛnɛ sandaa lepɛŋndo le co o dialun naan nin ni. Le co diallon kpow nɔɔliaa mì le va vanacieeyɛi nɛi kpow lomɔɔ. O Ɲánndávàà yinnde ndɔle len le fula ni.

Luke 16:30

Mí vana bolofaa dimi aa: ‹Kon tiw le fuɲa nuu, kɛ te vanndo fula pɛ ciee-piɔ́m, mò kɔɛ o nda lo, a mangala kela ndaa.›

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Sakari 14:12

Tofa vɔ kpundɛ Mɛlɛka tuisinin vanaa-mangalaa-isɔɔa cɔlɔbanin Yerusalɛm-nda coo-o: vana-vana lonin yoomu mì dialun ndɔn sɛ kpow. Hɔltan la lonin vannda o koongolan nin mì la sɛ, diɛɛmuei lonin nda o lasondo mì sɛ.

Esai 66:24

Tuma vannda fulanin-ndo, a canin vanaa tosa nila kalulan a sɔɛi nii-a ihini a vílɛ́iya lɛ́ɛ́siɛn, càá vanin nda dioo-a vinin te, yinnde vanin nda lomɔɔ len le ɲumnin te. Siòònde taw i biinin ɲaa yoomaa kpow le dɛnɛ nda kon.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Rɔmnda 4:12

Ndu koni co fuɲaa vanaa dii tomaa-a ni, o co ko le tooma nda dii-o daama le, kɛ le kela nda co o nɛila Abraham fuɲa naa lan coo-o. La o kela coo, lɔ́ɔ́ ndóò dii-yɔ toomaa loo lan.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

1Samiɛl 28:16

Mí Samiɛl dimi aa: «Nɔm pila co sinaa tɛ́ɛ́ maa Mɛlɛka pila mulul nɔm kɔɔ, mó siŋnun yaamɔɔ nɔmndo, le kɔlɔ yɛɛ n hin yɛ niko ya ɲunaa?

Luke 19:9

O kon mí Yeesu dimul ndu aa: «Vanaa co o nɔm ndo cɛinin nanu-a sɔla hau cindaa. Kani nɔm bɛɛ, o polale Abraham-nden nin n fula ni.

SƐBƐ YƆB-O 20:21

Ɲɛ-ɲɛ ndóò helun ndu a pulule ndɔlen te, lelan dɛnɛ ndɔ kɛndɔɔ viwnin te ni.