Luke 16:20 - BII BILA

²⁰ Langbanɔ pilɛ va ihini o dio luɛyaa ciɛiyo diolan Lasar. Pawve i va ndu i tivaa kɔɔlen kpow.

Luke 16:20 Referans Kwoze

Dɛnnda kiilaa 3:2

Langbanɔ va namtanɔɔ kabi o violɔn ndɔɔ-o va o dio luɛyaa Cɛi-Hala-o ikɛi, dio ndáà veelu aa: «Naŋɔɔ»-o. Lon ndáà hun a ndu lɔ́ɔ́-lɔ́ɔ̀ ni, le vanaa va hunɔɔ o Cɛi-Hala kon nin-nda ɲɔɔn piɛiyo.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Nsaki 1:9

Puapilɛ tuisin taw-vo bɛnda mò dɔwnun ɲaale le heelu Hala heelunin ndu-o,

Luke 16:21

Yeemɛi va ndu le kúún va delio o tabali vana bolofaa-on dioo. Kɛ tunnda va hunɔɔ pavii ndɔɛi deembuuo.

SƐBƐ YƆB-O 2:7

Mí Setana faŋan Mɛlɛka o hɔl. Mó kɔ cuiŋi Yɔb nàà vɔɔndo pum coo, mí kɔɔlen le luaaluaa ndu kpede, kandɔɔ o bɛngula kɔltan kɔlan biyɔɔ háá ndu o lebol.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

Condii lisai 73:14

I co lɔɔ sɔlaa lɔ́ɔ́-lɔ́ɔ̀, i co saangiaa sɔlaa idii oo idii.

Condii lisai 34:19

Mɛlɛka co vanaa co o sanga kɔllo nin-nda ikɛi, o co vanaa co a kɔlta tambɛilan-nda ciindiaa.

Nsaŋ 11:1

Mí langbanɔ nɔ diolan aa Lasar-o del a nàá. Betani, o ciee Mari nda Marte pɔmbɔ ndɔ-o o va ni.

Matie 26:71

O kon kɔɔli, mó kɔannun a kpengii dio bɛɔ. Mí buɛi laandu celen ca ndu, mó dimul vanaa va lon-nda aa: «Langbanɔɔ ho bɛɛ va Yeesu fula Nasarɛte-o kɔɔli.»

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.