Luke 16:19 - BII BILA

¹⁹ O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 16:19 Referans Kwoze

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.

Esekiɛl 27:7

Kolala-keesela sɔɔlaalan Esipte la va kola nɔm vaan-vaan kuumbuan o hɔl-lo a vanaa sina nɔm kɔɔli-kɔɔli-a ni. Kola siaŋa vólotótoo a kola siaŋa sɔɔtɔtɔɔ, la fula o lɛŋii co o mɛnndan tɛɛn Elisia lan la va la kumbuaa o vɔngula nɔmndan coo ni.

Dɛnnda cɔɔmuanndan 18:16

A diminin aa: «Kpòkóó! Má cè dɛnɛ palaa le kobi bɛndoo ho! Kobi va hoo o cuɛinanndo a kola keese fɛtufɛtoo, kola siaŋa vólotótoo, a kolala siaŋala sɔɔtɔtɔɔlan-ndo, o va hoo o kɛɛmiaa a sianion, a powta báà kàlàlan a á yɔɔva kɛndɛ-kɛndɔɔ-o kɛí dɛ!

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

Dɛnnda cɔɔmuanndan 17:4

Kola keese siaŋa sɔɔtɔtɔɔ va vanalanɔ kon lekɔɔ, mó kɛɛmian a sianion, powta báà kàlàlan a yɔɔva báà kalaa. Taala kólaa n'siani va ndu o ba-o va o piaa cá a mààlan, la o sɔla o suundaa lan.

Luke 16:1

Mí Yeesu dimul vɛlɛ kaandeŋaa ndɔa aa: «Vana bolofaa pum ndóò nɔ vana mandaa bolofaa. Mí vannda lɔalu ndu o vana bolofaa kon-ndo maa o co bolofaa ndɔɔ tɛɛmbuuo.

Marke 15:17

Má vow ndu doma bɛndu lemasa siaŋa sɔɔtɔtɔɔ. Má lɔa mɔsil lemasaa a yɔɔn, má vow Yeesu ndu o lebol.

Esekiɛl 16:13

A va o dovianndo a sianion, a volion, a kola keese fɛtufɛtoo, a kola lɛmɛsɛsɔɔ, a doma bɛndu sɔɔlaa. Ɲɛdiaa nɔmndo va kpeyan yukuyukoo, lɛan a cuɛiyan ni. Má va hiovɔɔ laci a naŋɔɔ taw, má sɔla hɔlaa lemasaa.

Ɛstɛr 8:15

Mí Mardosee fula o masaa lo a doma ndɔ lemasa ndóò nɔ bungan humbon a yinɔɔ makaa-o lekɔɔ. Mó vownun mɔsil bɛndu n'siani lemasaa a doma kola keese siaŋaa lecoo. Mí vɔkɔ-vɔkɔ kɔlkɛndɔɔ can Suse ciee.

Masaa kialaa n'yamaa 8:26

Mí kelan n'sianin Sedeɔn piɛi mun-ndon bɛnda kilolan bidiin. Mó sɔla vɛlɛ ɲɛm kɛndɔn, kelan lanion, domala kɛndɛ-kɛndɛla siaŋala masaa Madiannda ndáà vownun-ndan a yɔɔva va ɲɔɔmɛaa ndaa o labolo-o.

Luke 15:13

Palɛi bingi o kon kɔɔli, mí o pɔmbɔɔ kon mɔɔsiaa ɲɛm ndɔn kpow, mó kɔannun o lɛŋnden nin, mó kɔ tɛɛmbuu bolofaa ndɔɔ o laasianndo nin.

Marke 15:20

Ndáà ciiyo ndu sɔɔlɛmaa suiyo lende, má soli ndu doma bɛndu kon lekɔɔ, má mingi ndu volɔɔla ndɔlan vow. O kon kɔɔli, má kɔa a ndu le ndu baŋɔɔ o yɔm singafilaa coo.

Talelan 31:22

O co kolala bɛndulan toosiaa, kola keese fɛtufɛtu nɔ yinɔɔ siaŋa vólotótoo-o o cuɛinun ni.

Luke 16:18

Vana-vana kɛɛ pɛ laa ndɔ, mò yil o celen o nɔ̀u nin, mɛɛ o suunda. Vana-vana yil vɛlɛ pɛ vanalanɔ pɔnɔ ndɔ kɛɛ-o o nɔ̀u nin, mɛɛ ndu bɛɛ, o suunda.»

Luke 16:20

Langbanɔ pilɛ va ihini o dio luɛyaa ciɛiyo diolan Lasar. Pawve i va ndu i tivaa kɔɔlen kpow.

Talelan 14:24

Bolofaa co vɔ̀ngɔ̀la vanaa kɔlkalua ni, kɛ diɔm sondo vesɛiyo ndu, diɔmnde o koaw ni.

Esai 3:23

tofanndan, domala fɛtufɛtulan, kookoola leboltan a yoei vaanvaaŋii nda yiinun o lebol-le o laba.