Luke 16:17 - BII BILA

¹⁷ Halataalaa a lɛŋnden hiovɔɔ hiawnin va bɛɛn-bɛɛn a sɛva hiow dɔɔnanndo-o faŋanndo o tɔŋndo coo.

Luke 16:17 Referans Kwoze

Matie 5:18

I co niaa toɲaa dimul, te halataalaa a lɛŋnden le co vɔ pɛ, hali diomnde hiow dɔɔnanndo len, te kon te sɛva hiow dɔɔnanndo-o faŋannin o tɔŋndo coo le, háá mì mɛɛlula ɲɛ-ɲɛ la tiiya.

Luke 21:33

Halataalaa a lɛŋnden le hiawnin, kɛ sɔɔn nun hiwnin te.»

1Piɛr 1:25

Kɛ sɔɛi Mɛlɛka-e ndi co le fɛɛn a fɛɛn. Sɔɛi ken yɛ, ndi co Yoongu Kɛndɛ tiiyalan niaa-o ni.

Esai 40:8

Billo nɔla mò vesa, mì yandɔɔ ndɔɔ cɛɛlun, kɛ sɔɛi Hala naa ndi vanin o fonda ndɔɔ le fɛɛn a fɛɛn.

Rɔmnda 3:31

Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Dɛnnda cɔɔmuanndan 21:1

Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.