Luke 16:15 - BII BILA

¹⁵ Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Luke 16:15 Referans Kwoze

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Talelan 21:2

Vanacieo yiyan lɔ́ɔ́-lɔ́ɔ̀ maa kela ndɔɔ naŋ ni, kɛ vana yaasiaa kɔltan-ndo co Mɛlɛka ni.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Talelan 16:5

Vanaa yongaa nɛinun Mɛlɛka. O nɛi oo nɛi coo a kɛɛnin sangaa sɔla le kela ndaa le.

Dɛnnda kiilaa 15:8

Hala, o sinà yiyannda vanndacieea-o cɔm maa o cɛl nda le tùú o ke nda Hala Kɔl-Diandaa maa naa-o.

1Piɛr 3:4

kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Luke 11:39

O kon, mí Maalii dimul ndu aa: «Niaa Faliisia, maa taala kólaa a hɛngɛi nda tuei o kɔɔ-o niaa co ni, kɛ yeemɛi ciimbuɛi a kɔlvesɛiyo co niaa o piaa o lakɔl ca.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

Luke 10:29

Kɛ langbanɔ kon ndóò yeema mì ndu pila ndóò kennun di, le hee mó ɲuna Yeesu aa: «Nɛ̀ɛ́ co yɛ caan nuu?»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Rɔmnda 3:20

Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Nsaŋ 2:25

Hali mi vanáà cɔm ndu bɛɛ isɔɔ a vanacieo o kɔɔ le, kani ndóò sina ɲɛ co vanacieo o kɔl-lo.

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Luke 18:21

Mí langbanɔɔ muli aa: «I bii nin sɔɔn mun kpow kabi o felengiyɛi nii nin.»

Talelan 20:6

Vannda taw a co cɔmnɔnndo maa a lò o lediom coo, kɛ nɛ̀ɛ́ nɔla yɛ vana lò o diomnden coo-o saalɔn?

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

2Dɛnnda lemasalan 6:30

nɔm Mɛlɛka, mulul nda nɛɛ n co icali o halataala-a. Mal nda haki ma mingul vana-vana mɛɛ kela ndɔɔ co yɛ, kani a sina yiyan vana-vana nɔ o kɔl-lo. Nduyɛ, nɔm pilɛ kpé sina yiyannda co vanndacieea o kɔl-tan ni.

Dɛnnda kiilaa 1:18

Mó piandu lɛŋnden a volin o sɔla a dɛnɛ vɔɔndo-on, mó del a ikɛsu, mí demboo sɛɛsa, mí ɲɛm va ndu nin-ndon kpow n sɛŋin.

Luke 20:47

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Luke 20:20

O kon ma va Yeesu hɔlten kɔɔli, má viam vannda, mí vanaa kan tosa maa a kɔlta ndalan kpeekpei ndáà kɔɛ ni. Ndáà yeema mì ndáà tosa, mì Yeesu ndóò biinun a sondo, o kon mì ndáà kɔ lɔlu ndu o vanaa kialaa n'yamaa a o simlacia lelɛŋnda lo.

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Malasi 3:15

Nduyɛ, n co vanaa sondola kalaa cɔu o dɛnɛ kɛndɔɔ nin. Vanaa co kɔlvesɛiyo tosaa-a co dɛnɛ kɛndɔɔ sɔlaa taw. A co Hala tɔɔndanndo, kɛ ɲɛ-ɲɛ vɔɔn co nda yɔŋnɔn te.›

Condii lisai 49:18

Kani lɔ́ɔ́ o vunin-ndo, o kuenin a ɲɛ-ɲɛ o ba le, ɲɛ-sɔlaa ndɔɔ dimnin ndu nɛiyo kɔɔli ciee-piɔ́m te.

Condii lisai 49:13

Vanacieo, a ɲɛm kɛndɛn o co nin-ndon kpede, o lonin yoomu le. Paale pum, o vunin mɛɛ visia vu nuaa yɛ.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.

Luke 18:9

Mí Yeesu dimi taloo ho a vanaa pum o kɔɔ, a cennun nda pila vanaa sandaa, a ci caaŋaa ndaa ɲɛ-ɲɛ le-a aa:

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Dɛnnda kiilaa 1:24

O kon kɔɔli, má piɛi Hala aa: «Maalii, a sínà yiyannda vannda kpow, cɔm vana n hɛli o vanaa ŋiɔnda ha tɛɛn

Rɔmnda 8:27

Hala ca o kɔltan nin di-o sinà yiyan Kɔl-Diandaa. Kani mɛɛ hɛnan Hala-o co yɛ Kɔl-Diandaa piɛi le vanaa diandaa ni.