Luke 15:8 - BII BILA

⁸ Mí Yeesu hiaw laci a sɔɛi, mó dimi aa: «Te kon te, te vanalanɔɔ pum nɔ pɛ volin latámán tɔ́, mì voliei ipilɛ i lo, vɛ̀ɛ̀ o co fitinaa le o mɛndul, mò bɛɛsuu cɛiyo, mò nuwviaa ɲɛkɛndɛi háá mò saalun volii ken te?

Luke 15:8 Referans Kwoze

Esekiɛl 34:12

Mɛɛ vana mandaa n'saa cuungiaa cɔlua ndɔa paale nda co sɛŋin-nden yɛ, lende ya mɔɔsiaanin saa nia ni, mì soli nda o fondala nda co a saŋnannda nin-ndan kpede, nɛɛ ndáà sɛŋin o paale yumbuyumbulen a o paale ɲumma bɛndulen coo-a.

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Nsaŋ 11:52

O va vu le lɛŋnden, kɛ mì ndóò mɔɔsiaa vɛlɛ cuavaa Hala-a co a sɛŋiannda-a, haliko ma muungu dialle ndii pilɛ.

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

Matie 5:15

Vana mɛndul fitinaa le ndu kumbɔɔ le, kɛ le ndu kɛsio o ɲɛ kɛsiaa lafitinaa coo, haliko mo teengiaa cɛiyo lenin le vanaa co lenin-nda kpow.

Luke 15:7

Lende vɛlɛ koni, mì dimul niaa, te vana yɔŋ vɔɔndo o pilɛ mal pɛ yɔŋ ndɔ vɔɔndo, lende koni ɲaale bɛndoo vanin o halataala, mò hiow ɲaale vanaa sandaa belaŋɔmahiɔɔlu a ŋɔmahiɔɔlua a nɔ lɛ mako le mangalan te-a ni.»

Luke 15:9

O saalun ndi pɛ, o veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun volii nii ndíì lo-e.›

Dɛnnda kiilaa 19:19

Mí vanaa mangalaa bɔɔ-bɔɔ a hun a sɛbɛla ndalan, má loam ndan vannda kpow o hɔl. Ndáà tuuvo vɔngu sɛbɛla lan, mó bɛnda volin latámán vaalan beleŋuɛɛnu.