Luke 15:28 - BII BILA

²⁸ O kon, mí bɛ ndɔ kon tambu kɔllo, o cɛl le luɛyɔɔ cɛinin te. Mí fuɲa ndɔ fula, mó ɲɔɔlu ndu.

Luke 15:28 Referans Kwoze

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

1Samiɛl 18:8

Mí Saul tambu kɔl taw le condii ken. Mó dimi aa: «Yéè David nda ke vaalan tɔ́-tɔ́ o vaalan tɔ́-tɔ́ nin ni, ya niko ma ke ya vaalan kínɛí? Mɛɛ masalen ko le lo nin le ndu yɔngoo le?»

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Dɛnnda kiilaa 14:2

Kɛ Yuifia pum laalan te, má luei vanaa ve N'Yuifi le-a pum sɔɔn nin le nda yiyannda vɔɔnndan yɔngoo a puapilɛa ndaa o kɔɔ.

Dɛnnda kiilaa 13:45

Yuifia cɔu sɛ́lɛ́ kon, mí paŋalaa pia nda nin, má sɛɛngiaa Pol, má del ndu yeowlan.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Luke 5:30

Mí Faliisia a vanaa ndaa pɛɛkaa latɔŋnda soaa sɔɔn pɔmbɔn, má ɲuna kadeŋaa ndɔa aa: «Le kɔlɔ yɛɛ niaa co yɛ dioo mì la va kolɔɔ niaa vanaa biyaa mulua a vanaa lahakia latulu?»

Matie 20:11

Ndáà sɔlaa mun, má soaa sɔɔn pɔmbɔn a vana nakɔɔ.

1Samiɛl 17:28

Kɛ Eliab bɛ ndɔ tueyɔɔ David suukanndo nda vanaa cɔwva, mó tambu kɔl a ndu, mó ɲuna ndu aa: «Yɛɛ nɛ n hin yɛ tosa nanu? Nɛ̀ɛ́-nɛ̀ n mel-lɛ saa a cuinnda yondoo nin? I sina kuundian nɔmndo a cɔmnɔn co nɔm o kɔl-lo válán. Le cɔu mɛɛ cɔwvo co tosanndo yɛ n hun tiiya nanu nuaa dí ni.»

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Rɔmnda 10:19

I co vɛlɛ ɲuna: Mò va maa Israɛlla bii ndi bila le? Moise dimi ndi o tasendɔ aa: «I co niaa paŋalaa luei o kɔl a vanaa co vanaa-mangalaa-isɔɔ kpeekpei le-a, mì tosa, mì la tuulu kɔl a vanaa-mangalaa-isɔɔa kindu kɔl te-a.»

Dɛnnda kiilaa 14:19

Mí Yuifia pum a can Antiɔs a Ikoniɔm, má muluti sɛ́lɔ́ɔ́. Má vii Pol a powtan, má sasu ndu o kobio kɔɔli, a va yiyanndo maa o vi.

Dɛnnda kiilaa 13:50

Kɛ mí Yuifia luei vanlaandua lebɛaa nɔ siòòŋii Hala-e-a a vanpiaandua va vannda simndan laci o kobi kon nin-nda sɔɔn nin. Má luɛi Pol nda Barnabas yɛlen tollo, má toaw nda o bungɛi ken nin.

Marke 1:40

Mí vana nàà siaŋaa hun o ndu lo, mó hun baŋ vulan ndu o labɛngunin. Mó tɛɛlun ndu aa: «Taa cɛl pɛ, i yeema ma singi ya, mì dendu Mɛlɛka o hɔl.»

Luke 15:27

Mí vana baala kon mulul ndu aa: ‹Pɔmbɔ nɔm fula o kelaa nin ni, o muungu o bɛ́ɛ̀. Mí fuɲa nɔm dii naw téndé celulɛiyo, kani po ndɔɔ muungu kɛndia.›

Luke 15:29

Kɛ mó mulul fuɲa ndɔ aa: ‹Vɔsilan ndan kpede, i co nɔm baalaa tosallo, i kɛɛ nɔm diom tueyɔɔ le. A kon kpede, lepilɛ bɛɛ a soli hali cuin cuaa mì tosa kɔlkɛndɔɔ naa caaŋaa nia le.

Yeremi 35:16

Poaa Yonadab-a caanda, má bii diom fuɲa nda mamaa dimul nda-o, kɛ niaa Yudaa, lepilɛ bɛɛ la yeŋ ya lani le.