Luke 15:17 - BII BILA

¹⁷ O kon, mó kandu yiyanndo, mó dimin o kɔl nin aa: ‹Vanaa baalaa co fuɲa nuu o ba taw, a co ɲɛdiaa dioo, a co cii le, mì ya ya i va vuo a yiaan nanu nuaa!

Luke 15:17 Referans Kwoze

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Luke 16:23

Mó sɔla sangaa taw ciee-piɔ́m. Mɛɛ o heelu hɔlla pɔɔli, mó ca Lasar icali Abraham ikɛi.

Luke 8:35

O kon mí vannda fula le kɔlan dɛnɛ yɔŋnun kon-ndo tofaa. Ndáà tiiya nɛɛ Yeesu va-a, má komal langbanɔ ɲinaa vɔɔnda va kon nin-ndo icali Yeesu o labɛngunin, volɔɔlan la va ndu lekɔɔ, ndóò muungu nin o ndu pila nin. Mí siòònde bii nda.

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Condii lisai 73:20

Maalii, nɔm a cɛn dɔ́ɔ́ pɛ, nda lo mɛɛ vana pɔɛɛnun lɔma sɔlaan nuaa yɛ.

Condii lisai 119:59

I keelaa kɔllo o nɛila nɔmndan coo, mí kela o tɔŋnda nɔmndan coo.

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Luke 15:16

Po kon ndóò yeema mì ndóò va balo pewva va dioo-o sɔlaa, kɛ vana-vana ve ndu ndu ke le.

Dɛnnda kiilaa 12:11

O kon mí Piɛr sina ɲɛ yɔŋnun ndu-o, mó dimi aa: «I sina nihau maa toɲaa ni: Hala vem mɛlɛkanɔ ndɔɔ le ya solio o kpaaya Herɔde-o a ɲɛ Yuifia kpow ndáà nɔ o lakɔl le ya tosallo-o bɛngu ni.»