Luke 15:10 - BII BILA

¹⁰ Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Luke 15:10 Referans Kwoze

Luke 15:7

Lende vɛlɛ koni, mì dimul niaa, te vana yɔŋ vɔɔndo o pilɛ mal pɛ yɔŋ ndɔ vɔɔndo, lende koni ɲaale bɛndoo vanin o halataala, mò hiow ɲaale vanaa sandaa belaŋɔmahiɔɔlu a ŋɔmahiɔɔlua a nɔ lɛ mako le mangalan te-a ni.»

2Korɛntea 7:10

Kani kɔl tambɛi Mɛlɛka cɛ̀l ho mò komal vana-o, ndu tosà ni mì vana kon mangala kela ndɔɔ, ɛɛ nduyɛ mò sɔla cindaa. Lelan, vana tembu kɔl a ndu le. Kɛ kɔl tambɛi ceendo ho ndu, piɔ́mndo o yɔngu vana sɔlaa ni.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.

Luke 13:5

Kɛì-kɛì bɛɛ! Mì dimul niaa, te la mel yɔŋ vɔɔndo mì la mangalan te, lende niaa bɛɛ sɔlanin piɔ́mndo ni.»

Matie 18:14

Lende koni, Fuɲa niaa co o halataala-o yeema mì cuaambɔa pɔmbɔa ha o pilɛ bɛɛ lo le.»

Esekiɛl 18:32

Nduyɛ ya, i yeema mi vana co vuo-o vi le. Lelan la mangalan mì la va yoomu.» Sɔɛi fula Maalii, o co Mɛlɛka-o o sondo-e co ken ni.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Luke 7:47

Mì dimul nɔm, kaola bɛndu o cɔm-ndo cɔm maa hakila ndɔla sɛ́lɛ́ bɛndulan la malnun haki. Kɛ vana nda mal pɛ haki ɲɛ-pɔmbɔ, ndu cɔm kaolaa ɲɛ-pɔmbɔ.»

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Filemɔn 1:15

Bɔɔle le telen bingi koni Onesime ndóò faŋan nɔm ni, haliko ma sɔla ndu niko le lɔ́ɔ́-lɔ́ɔ̀.

Dɛnnda kiilaa 5:19

Kɛ icɔllo, mí mɛlɛkanɔ Maalii-o kumbi diola luɛyaala cɛi kaaso kalaa, mó soli nda, mó dimul nda aa:

Matie 10:32

«Lelan vana-vana sɔlɔlan pɛ sɔɛi nii vannda o hɔl, ya bɛɛ i sɔlɔlannin sɔɛi ndɔɛi Fuɲa ni co o halataala-o o hɔl.

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

Luke 12:9

Kɛ vana viinun pɛ sɔɛi nii vanndacieea o hɔl, ya bɛɛ i vuununnin sɔɛi vana kon mɛlɛkaa Hala-a o hɔl.

Luke 15:9

O saalun ndi pɛ, o veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun volii nii ndíì lo-e.›

Luke 15:11

Mí Yeesu dimi vɛlɛ aa: «Fal pilɛ ndóò nɔ poaa nda ŋiɔn.