Luke 14:26 - BII BILA

²⁶ «Vana-vana yeema pɛ le ya delɔɔ kɔɔli, mɛɛ mò kɛɛ fuɲa ndɔ, kala ndɔ, laa ndɔ, cuavaa ndɔa, puapilɛa ndɔa a yemaa ndɔa, mò kɛɛ vɛlɛ yoomu ndɔɔ, te o co kon te, o tiwba mò siŋnun kaandennɔ nuu le.

Luke 14:26 Referans Kwoze

Matie 10:37

Vana kaola pɛ fuɲa ndɔ, te kon te kala ndɔ hiovɔɔ ya coo, mɛɛ ndu bɛnda mò va kaandennɔ ni le. Vana kaola pɛ po ndɔɔ, te kon te cua ndɔɔ hiovɔɔ ya coo, mɛɛ ndu bɛnda mò va kaandennɔ ni le.

Nsaŋ 12:25

Vana-vana kaola pɛ yoomu ndɔɔ, o hialunnin ndu. Kɛ vana-vana kɛɛ pɛ le yiinɔnndo a yoomu ndɔɔ o ceendo ho coo, ndu mandanin ndu le fɛɛn a fɛɛn.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Tɔŋ miingua 33:9

Nda dimi ni aa a ci kala nda a fuɲa nda le. Nda sina puapilɛ le, a sina po vialaa le. Kani a bii sɔɛi nɔmnde, má manda kpema nɔmndo.

Rɔmnda 9:13

Maa mɛɛ i sɛvan yɛ aa: «I kaola Yakɔb, mí kɛɛ Esau.»

Tɔŋ miingua 21:15

«Te vanapɔnɔɔ pum nɔ pɛ laandua nda ŋiɔn, mò kaola o pilɛ hiovɔɔ o pilɔɔ coo, mò velu hɔ́aa piaandua a laandaa ndɔa ŋiɔŋaa kan kpow, te lanɔ o kaola taw loo vilul ndu po tasoo ni,

Luke 14:25

Sɛ́lɔ́ɔ́ va kɔlan Yeesu kɔɔli taw. Mó mulin, mó dimul nda aa:

Kundalan 10:30

Mí Hobab mulul ndu aa: «I co lakɔ le. O lɛŋnde nilen nin a o calta nilan ya co muungu ni.»

Condii lisai 139:22

Vanaa kan nɛinun ya bɔɔ, a siŋnun yaamɔaa nia.

Luke 14:20

Mí o pilɔɔ ndu dimi aa: ‹I yil-lɔ ko lanɔɔ sɛnɛi, lelan i nɔla kɔlan te.›