Luke 14:23 - BII BILA

²³ Mí vana bɛndoo dimul ndu vɛlɛ aa: ‹Kɔ o nɛilan a o kungalan demullo, ma baŋ vannda le luɛyɔɔ haliko mi cɛi nuu ho pɛ cá.

Luke 14:23 Referans Kwoze

Kolɔsea 1:28

A ndu o kɔɔ naa n co sɔɛi ni, mì n va vannda kpow kanalanndo, mì n va nda kɔllo kindio, haliko mi n tosa, mì vannda kpow a tiwnun o Krista nin.

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Dɛnnda kiilaa 28:28

Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.» [

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Condii lisai 98:3

O loonun le kaola o kaola yungu Israɛl-lo, mó loonun kɛndɛi ndɔɛi. Vanaa co o lɛŋnden mɛɛlulan di-a ce cinda Hala naa.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Matie 21:43

Lelan, i co niaa dimul, à hialunin masale Hala len niaa o ba, mà sɔɔ len vanaa-mangalaa-isɔaa celen o ba, mì nda tosa mì le kom mì le nɛŋi makoo.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

Dɛnnda kiilaa 16:15

Mɛɛ o sɔla yinɔɔ nda yungu ndɔɔ kpede, mó veelu naa aa: «Te la laalan pɛ maa vana laalan Mɛlɛka-o ya co ni, mɛɛ la hun mì la va o yiya o ya lo cɛinin.» Mó baŋ naa, mí n cɛl kangalan.

Luke 24:29

Kɛ má dimul ndu aa: «N lonnun nanu naa niaa. Paalen le co nihau kɔlan delɔɔ nuaa ni, mì ɲumndan ma tol.» O kon, mó luɛi, mó lo lon nda ndaa.

Matie 5:41

Te vanndo baŋ pɛ nɔm le kɔla piasa vàá pilɛ niaa ndu, mɛɛ cɛl mì la kɔɛ kɔla piasa vàála tiɔn.

Luke 14:22

Telen pum hiovɔɔ, mí buɛiyo hun dimul ndu aa: ‹Vana bɛndoo, sɔɔn cuu toosiaa mɛɛ n dimi yɛ, kɛ fondaa lo vɔ vɛlɛ.›

Luke 14:24

Kani mì dimul nɔm, vanaa yáà yoongu-a kpede, o kɛ́-kɛ̀ meenunnin ɲɛdiaa ho o sondo le.›»