Biblia Todo Logo
Bib sou entènèt

- Piblisite -




Luke 14:13 - BII BILA

13 Kɛ taa va pɛ vannda ɲɛdiaa kafoo keo, a veelu vanaa bala fondoa, namtaa, vanaa bɛvɛiya a vanaa sumɛiya.

Gade chapit la Kopi




Luke 14:13
34 Referans Kwoze  

Mɛɛ buɛi kon muungu o vana ndɔ bɛndoo lo, mó kɔ tɛɛngul ndu mulilan ndan. Mí simlaci leyungu kon tuulu kɔl. Mó dimul buɛi ndɔɔ aa: ‹Kɔ cɔ́-cɔ́ o bɛ́ɛ̀lan a o nɛila kobio ho, mà hin a vanaa bala fondoa, namtaa, vanaa sumɛiya a vanaa bɛvɛiya.›


te la yɔngu pɛ vana yiaan ma co nɛiyo-o ɲɛ niaa pila yeemaa-o te la ke pɛ vana ikɔɔ ɲɛdiaa mò de, mò pim, ɲɛ-tengaa niaa teengiaanin ɲumndan, mì ɲumma niaan ma tenga maa a telen paale kálà-kálàlen.


Vana tosal pɛ vana bala fondoo dɛnndan kpoku-kpoku, mɛɛ a tɛɛndan Vana cɔw ndu-o. Kɛ vana ce pɛ vana bala fondoo ɲia, o ke Vana cɔw ndu-o bɛɛlen.


La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.


La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.


Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»


Mí buɛyaa ndɔa piɔl o nɛilan coo, má mɔɔsiaa vanaa nda komal lon-nda kpede, a vɔɔnda a à kɛndɛa. O kon mí cɛi kafoo va tosanndo nin-ndo pia cá a vanáà hin-nda.


La vanin o kɔlkɛndɔɔ nin le kafo kon tosaa niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin o kobila niaalan nin-nda, mialaa vanin niaa o bɛngu coo-a, vííya a vanlaandua piaandaa ndaa vi ma va icali niaa tɛɛn-nda.


mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.


Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.


O kon, leviaa nɔ yondo kɛ́ maa niaa le-a, mialaa vanin icali niaa o bɛngu coo-a, vííya a vanlaandua piaandaa ndaa vi ma va icali o kobila niaalan nin-nda hin, a hun dio ɲɛm mun a pim ca. La tosa pɛ lende, Mɛlɛka Hala niaa dɔawnin niaa duaa o valta niaa vanin tosaa lan kpow nin.»


Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,


Vanaa va piɔ́mndo-a va duaa ndaa mɛiyo ya coo, i va vanlaandu piaandaa ndaa vi-a kɔllo nɛŋio.


O kon mí vannda kpow a muungu o la nda lo le ɲɛdiaa dioo a kolɔɔ, má ke vanaa nɔ ɲɛ le-a ɲɛdiaa, má dɔawnun ɲaale taw-taw. Má bii diom dimulun nda-o bila.


Kani navaa tovaa vàá pilɛ (1000) a cɔlua letùúa vàálan tan ŋɔmmɛw (7000) Esekia va masaa Yuda-o ndóò ke nda ni. Mí vanaa bɛndua nda nda ke nda navaa tovaa vàá pilɛ (1000) a cɔlua pɔmbɔa vaalan tɔ́ (10 000). O kon mí vanaa-solia-lasálàá taw-taw a dindin.


O kon kɔɔli, mó piɔw vannda kpow ɲɛdiaa, Israɛlaa piaandua a à laandua va lon sɛ́lɛ́ bɛndoo-a pɛɛn, mí vana-vana sɔla buloo o pilɛ, dɛɛ n'tamaro toaŋaa o pilɛ a dɛɛ n'rɛsɛn toaŋaa o pilɛ. O kon, mí nda kpow, vana-vana muungu o ndu lo.


Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.


Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.


Fɔ́ɔ́fɔ̀, mí Piɛr kɔa nda ndaa. Ndóò tiiyaa, má kɔa a ndu cɛinin o cɛi coocoo nin. Mí vanlaandua piaandaa ndaa vi-a kpow a kɔ balu ndu a caŋndo. Má cɔm ndu domalan a ɲɛ-ɲɛ celen Dɔrkas toosiaa lɔ́ɔ́ o va yoomu-o.


Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.


Vana tosal vannda kɛndɛiyo-o sɔlanin duaa, le tùú o co vana bala fondoo balo ndɔɔ keo-vo.


Mí sɛ́lɛ́ bɛndoo va hunɔɔ o ndu lo a namtaa, vanaa sumɛiya, boboa, vanaa falun vílɛ́iya a vanaa lanàà súú-súù ka. Má hun kɛsi nda ndu o labɛngunin, mó singi nda.


O kon kɔɔli, mí Yeesu dimul vana óò veelu ndu kon-ndo aa: «Taa va pɛ vannda ɲɛdiaa ipalaa, te kon te o icɔllo yɔngoo, véélu caaŋaa nɔmnda le, te kon te puapilɛa nɔmnda, vanayan nɔmndon, a vanaa bolofaa, yɔŋii nda bɛɛ a veelu nɔm, mà mingi màá n veelu nda-o.


O kon, a sɔlanin duaa, kani a tiwnin ba nɔm mingullo le. Kani kon mingulunnin nɔm paale vanaa tosa dɛnɛ sandaa-a muungunin yoomu fulaa vanvílɛ́iya tɛɛn-nden.»


Swiv nou:

Piblisite


Piblisite