Luke 14:11 - BII BILA

¹¹ Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Luke 14:11 Referans Kwoze

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Matie 23:12

Vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Nsaki 4:10

La tuisin tootoo Mɛlɛka o hɔl, mò heelu niaa.

Condii lisai 138:6

Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Condii lisai 18:27

Te vanndo dendu pɛ a nɔm Mɛlɛka, Nɔm bɛɛ cɔm diondɔɔ nɔmndo a ndu, kɛ te vannda kela pɛ kela tuunduanndo, nɔm bɛɛ a kei ndu baa o mundu.

Esai 2:11

Siɛmbulan la toalnin vanaa heelannda, mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Talelan 15:33

Vanndo nɔ pɛ siòòŋii Mɛlɛka-e, ndu sɔla kɔlkaloo. Tuisinndo hun a biiloo sɔlaa ni.

SƐBƐ YƆB-O 22:29

Vannda yeemanin le nɔm siɛmbulan tuisio, kɛ nɔm a diminin aa: ‹I co isisi!› Kani malaa Hala mala vana tuisianndo ni.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

Luke 1:51

O tosa dɛnndan a kpaaya ndɔɔ kpow, mó puusiaa vanaa nɔ yiyannda yongalan o lakɔl-la.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

2Samiɛl 22:28

Nɔm ciindiaa vanaa co o sangaa nin-nda ni, nɔm tofa vanaa kuundiannda ni ciŋ, mà tuisi nda siɛmbulan.

Talelan 25:27

O niŋ mì vana hiw lɛan dio le. O niŋ vɛlɛ mì vana hiw bɛɛlen nuwviaa le.

Luke 1:52

O faŋa masaa o kpɛŋɛla lemasalan coo, mó heelu vanaa tuisin tootoo-a.

Luke 14:12

O kon kɔɔli, mí Yeesu dimul vana óò veelu ndu kon-ndo aa: «Taa va pɛ vannda ɲɛdiaa ipalaa, te kon te o icɔllo yɔngoo, véélu caaŋaa nɔmnda le, te kon te puapilɛa nɔmnda, vanayan nɔmndon, a vanaa bolofaa, yɔŋii nda bɛɛ a veelu nɔm, mà mingi màá n veelu nda-o.

Nsaki 1:9

Puapilɛ tuisin taw-vo bɛnda mò dɔwnun ɲaale le heelu Hala heelunin ndu-o,

1Piɛr 5:6

Lelan, la tuisin o ba kpaaya Hala-o bɛngu, haliko mo heelu niaa o telen bɛnda-o.

Ɛstɛr 6:10

Mí masaa dimul Haman aa: «Mɛɛ keleŋa lakɔ cɔ́-cɔ́, má kɔ cua doma bɛndoo a sow mɛɛ n dimi yɛ, mà tosa ɲɛ n dimi-o kpow le Mardosee Yuifinɔ, o co baalaa tosa o cɛi lemasaa nin-ndo. Pɔɛɛnun ɲɛ-ɲɛ le tosaa o sɔɔn n tuu-on nin te dɛ!»