Luke 13:35 - BII BILA

³⁵ Lelan, cɛi niaa lonin fondo fúú. I co niaa dimul, la ci lɛnin ya le, háá telen niaa diminin-ndo aa: ‹Biiloo co hunɔɔ o diola Mɛlɛka lan-ndo!›»

Luke 13:35 Referans Kwoze

Condii lisai 118:26

Duaa co le vana hin o diola Mɛlɛka lan-ndo. N malnun balikaa o Cɛi-Mɛlɛka-o nin.

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Sakari 14:2

I cuungiaanin vanaa-mangalaa-isɔɔa kpow mà hinul Yerusalɛm a cɔwvo. A biinin kobio mà cɔwviaa ɲɔɔn cɛilan nin, mà kpuwviaa vanlaandua, mà bii vannda a tiŋ, mà kɔɛ a nda o cɛlen nin. Kɛ vanaa tɔ̀a lonin-nda, nda cúúnìn faŋan o kobi kalaa nin te.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

Condii lisai 69:25

Tuisi kɔl nɔm tuw bɛndoo nda coo. Màá kɔlfulaa nɔmndo kpuva nda!

Yeremi 22:5

Kɛ te la yeŋnun sɔɛi ya dimul niaa hee-e le, i mɛnan o diola nilan, sɔɛi fula ya Mɛlɛka o sondo-e co hee ni, cɛi lemasaa ho siŋnunnin bémbélan.›»

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Matie 23:37

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Luke 19:41

Mɛɛ Yeesu sɔɔnguu ciee-lekɔɔ, mó ca kobio, mó caŋ le ndu,