Luke 13:33 - BII BILA

³³ Kɛ mɛɛ mì hiow hau laci, siɔdii a diɛŋ bɛɛ, kani o bɛnda mì vana-tɛɛngaa-diom Hala-o vi nɛɛ celen te, fɔ Yerusalɛm.»

Luke 13:33 Referans Kwoze

Luke 9:53

Kɛ vanaa va lon-nda a cɛl le ndu luɛyɔɔ ciee lon te, kani Yerusalɛm o va kɔlan ni.

Matie 21:11

Mí sɛ́lɔ́ɔ́ va mulio aa: «Yeesu ni, vana-tɛɛngaa-diom Hala-o, o fula Nasarɛt o tàndá Kalile-o nin-ndo!»

Dɛnnda kiilaa 13:27

Vanaa va Yerusalɛm-nda a simlacia ndaa a sina Yeesu le, a bii sɔɔn vanaa-tɛɛngaa-diom Hala-a va nda dimullo o palɛi pɛngiaa yɛ́-yɛ́-i coo-on te. Kɛ má yaala Yeesu mɛɛ vanaa kan dimi yɛ le sɔɔn mun peeloo.

Matie 20:18

«Má cè naa helɔɔ Yerusalɛm! À kɔ malnin Po vanacieo bolii vanaa-solia-lasálàá a vanaa pɛɛkaa latɔŋnda o ba, mà yaala ndu le piɔ́mndo sɔlaa.

Nsaŋ 11:54

Lelan, Yeesu ve lɛ kela Yuifia o hɔl kpendekele le, kɛ mó faŋan ndon, mó kɔannun o tàndá va o lɛŋnde veselɛilen ikɛi-yo nin, o kobi nɔ diolan aa Efraim-ndo nin. Mó kɔ va lon nda kaandeŋaa ndɔa.

Nsaŋ 9:4

Mɛɛ mì n tosa baala vana vem ya-o telen paalen le co vɔ-o. Ɲumndan ma tol pɛ, vana nɔla baalaa le.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Nsaŋ 11:9

Mí Yeesu muli aa: «Vɛ̀ɛ̀ o co lɛɛlɛlan tɔ́ a latiɔn te la co o paalen nin te? Vanndo va pɛ kelaa ipala, o boŋ te, kani o co ɲɛ-tengaa ceendo ho cɔu.