Luke 13:29 - BII BILA

²⁹ Vannda hunnin fulaa a ba paalen le can-ndo, ba le del-lo, a maluaŋ a á ba too, mà cal le dioo o fondala ndalan o Masale Hala len nin.

Luke 13:29 Referans Kwoze

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Esai 43:6

I dimulnin lɛŋnde luaŋ-nden aa: «Mingi nda o nda lo!» I dimulnin vɛlɛ lɛŋnde too len aa: «Kungulan nda coo le!» Faŋa poaa niaa nɛɛ nda co o lɛŋnde nin kɔɔli-kɔɔli-a mà mingi nda o nda lo. Faŋa cuavaa niaa laandua lɛŋnde mɛɛlu ma mingi nda nanu,

Dɛnnda kiilaa 28:28

Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.» [

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Marke 13:27

O cuunin mɛlɛkaa ndɔa, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o lɛŋnden mɛɛlulan, kɔlan tiiyaa o halataalaa mɛɛlulan.»

Matie 8:11

Mì dimul niaa, vanaa bɔɔ-bɔɔ a fulanin a ba paalen le can-ndo a á ba paalen le del-lo, mà de o tabali pilɔɔ nda Abraham, Isaak a Yakɔb o masale halataala len nin.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Luke 13:30

O kon, vanaa mɛɛlaa a pum a vanin vanaa tasea, mì a tasea siŋnun vanaa mɛɛlaa.»