Luke 12:9 - BII BILA

⁹ Kɛ vana viinun pɛ sɔɛi nii vanndacieea o hɔl, ya bɛɛ i vuununnin sɔɛi vana kon mɛlɛkaa Hala-a o hɔl.

Luke 12:9 Referans Kwoze

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Luke 9:26

Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Matie 10:33

Kɛ vana-vana viinun pɛ sɔɛi nii vannda o hɔl, ya bɛɛ i vuununnin sɔɛi ndɔɛi Fuɲa ni co o halataala-o o hɔl.»

Dɛnnda cɔɔmuanndan 3:8

I sínà dɛnnda nɔmndan. Tofa vɔ, i kumbi vakpa nɔm laci, ó vana-vana nɔla kinda loo, kani a nɔ kpaaya bɔɔ le, kɛ a kon kpow, má manda sɔɛi nii, a kɛɛ diola nilan te.

Matie 7:23

O kon, i dimulnin nda aa: «Lepilɛ bɛɛ i sina niaa le. La faŋan ya, niaa vanaa tosaa dɛnnda vɔɔnda ha!»

1Nsaŋ 2:23

Vana-vana kɛɛ pɛ Poo, mɛɛ o nɔ vɛlɛ Fuɲaa le, vana sɔlɔlan pɛ sɔɛi Poo, ndu nɔ vɛlɛ Fuɲaa.

Matie 25:12

Kɛ mó muli aa: ‹I co niaa toɲaa dimul, i sina niaa le.›

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Luke 22:57

Kɛ mí Piɛr vuunun aa: «I sina ndu le vuɛɛndo.»