Luke 12:33 - BII BILA

³³ La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Luke 12:33 Referans Kwoze

Matie 19:21

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Dɛnnda kiilaa 2:45

A va ɲɛ nda sɔlaa a ɲɛm ndáà nɔ-on pisio, má va volin mun piɔvianndo mɛɛ mako vana-vana va yɛ.

Luke 16:9

Mì dimul niaa, la nuwviaa canyan a bolofaa ceen hui ho vana-o, haliko lɔ́ɔ́ o cuunin niaa o ba-o, caaŋaa niaa kan a luei niaa o calta fɛɛn-fɛɛnndan nin.

Luke 12:21

Mí Yeesu hiaw vɛlɛ laci a sɔɛi, mó dimi aa: «Lende koni o vanin vɛlɛ le vana landu kɔllo le ɲɛm ceenndon cuungiaa le ndu pila-o ni, o co bolofaa cuungiaa le Hala loo pɛɛn.»

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

2Korɛntea 8:2

Vanaa laalannda sɔla tɔɔndanndan o sangalan nin-ndon, kɛ a kon kpow a va a kɔlkɛndɔɔ taw. A bala fondola bɛndula va nda lan kpede, a va yɔngoo a kɔlta ndalan kpow.

Nsaŋ 12:6

Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.